1 Samuel 3:14 - Qullan Arunaka DC

Ukat nayax juramentompi Elí sacerdoten wila masinakapatak arsta, ñanqha luratanakapax janipuniw wilañchanakampisa, waxt'äwinakampis q'umachatäkaniti.

Aymar Bibliia 1986

Ucatwa, jichhajj juramentompi Elí sacerdoten familiapa tokejj arsta, ñankha luratanacapasti janiw k'omachatäcaniti, sacrificionac, ofrendanac loktascani ucanacampisa.

Qullan Arunaca

Ucatwa, jichhajj juramentompi Elí sacerdoten familiapa tokejj arsta, ñankha luratanacapasti janiw k'omachatäcaniti, sacrificionac, ofrendanac loktascani ucanacampisa.

1 Samuel 3:14 Jak'a apnaqawi uñst'ayäwi

Salmos 51:16

16 (18) Jumax janiw luqtanak munktati; wilañchanaksa luqtirismawa, ukampis janiw ukanakax kusisiyktamti.

Isaías 22:14

Ukampisa taqi ch'aman Tatitux nayaruw uñstitu, ukatsti sarakituwa: “Janipuniw uka jucha luratanakap pampachkäti; jan ukasti jumanakax jiwarapxätawa” sasa. Aka arunakax taqi ch'aman Tatitun arunakapawa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Levítico 15:31

ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

1 Samuel 2:25

Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.