1 Samuel 26:9 - Qullan Arunaka DC

Ukampisa Davidax sänwa: —Jan jiwaykamti, khititix Tatitun chhijllat reyir jiwayañ munki ukax mutuyatapunïniwa.

Aymar Bibliia 1986

Ucampisa Davidajj saraquïnwa: —Jan jiwayamti. Qhititejj aca reyir jiwayañ munani, ucajj Tatitun mutuyatapunïniwa. Jupa reyisti Tatitun ajllitaraquiwa.

Qullan Arunaca

Ucampisa Davidajj saraquïnwa: —Jan jiwayamti. Qhititejj aca reyir jiwayañ munani, ucajj Tatitun mutuyatapunïniwa. Jupa reyisti Tatitun ajllitaraquiwa.

1 Samuel 26:9 Jak'a apnaqawi uñst'ayäwi

2 Samuel 1:14

Davidasti jach'at arsüna: —¿Kunjämarak jumasti Tatitun ajllit reyir jiwayañatak amparam ayttasti? —sasa.

2 Samuel 1:16

Davidasti sarakïnwa: —Juma pachpaw jiwañamatak juchanïsktaxa, juma pachparakiw Tatitun ajllit reyipar jiwayatamsa arsusisktaxa —sasa.

2 Samuel 19:22

22 (23) Davidasti ukxaruw säna: —¡Seruiá jaqin yuqanakapa, akax janiw jumanakan lurañanakamäkiti! ¿Kunatarak arunakaxar jaysañ jan munapktasti? Jichhax nayax Israelan reyipätwa, janiw khitis Israel markan jichhürux jiwkaniti —sasa.

Salmos 105:15

Jupax sänwa: “Ajllitanakaxarux jan llamkt'apxamti, profetanakaxarus janirak t'aqhisiyapxamti” sasa.

Salmos 17:4

kunjämtix jaqinakax k'arisipki ukhama; ch'axwañ thakhinakat jithiqtasta, juman arsutamarjamaw phuqta.

Salmos 57:1

1 (2) Diosaxay, nayat khuyapt'ayasita, jumampi arxatayasiñatakiw thaqsma, nayat khuyapt'ayasipunita. Jan walt'añ nayat jithiqañapkamasti, amparamampi imantayasiñ munta.

Salmos 7:4

4 (5) ¿Uñt'at jaqi masixar ñanqha lurataxach utji? ¿Jan ukax uñisirixaruch jan kunat t'aqhisiytxa?

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini:

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 26:8

Ukat Abisai jaqix Davidarux säna: —Tatituw jichhürux uñisirimar amparamar katuytam. Jichhax nayar jaytita uka pachpa lanzapampi chhuqhuntasin jiwayañataki. May chhuqhuntasakiw jiwt'ayä —sasa.