1 Samuel 24:6 - Qullan Arunaka DC

6 (7) ukat jaqinakaparux sarakïna: —¡Tatitux nayan reyixatak amparax jan aytaykitpati! ¡Tatituw jupan reyïñapatak chhijllasi! —sasa.

Aymar Bibliia 1986

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.

Qullan Arunaca

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.

1 Samuel 24:6 Jak'a apnaqawi uñst'ayäwi

2 Samuel 1:14

Davidasti jach'at arsüna: —¿Kunjämarak jumasti Tatitun ajllit reyir jiwayañatak amparam ayttasti? —sasa.

2 Samuel 24:10

Davidasti taqi jaqinak jakthapiyasax chuymapan jan wali luratap amuyasïna, ukat Tatitur arsusxäna: “Tatay, nayax uk lurasax mä jach'a jucha lurta, ukampis Tatay, juchaxat pampacht'itaya, jan amuyt'asir jaqjamaw uk lurta” sasa.

1 Reyes 21:3

Ukampis Nabot chachax Ahab reyir sänwa: —¡Diosas jan munkpati! Janiw nayax kuntix awkinakaxat katuqkta ukxa churkirismati —sasa.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Romanos 12:14

Uñisirinakamarux askimpiy uñjapxam. Ask lurapxam, janirak ñanqhachapxamti.

1 Tesalonicenses 5:15

Amuyasipxam, jan khitis ñanqhat ñanqha kutt'aypati. Jan ukasti, aski lurañatakipun ch'amt'apxam, jumanak taypinsa, taqinimpisa.

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 24:7

7 (8) Ukhamat Davidax jaqinakaparux jarkt'äna, janirakiw Saúl reyirux llamkt'aykänti, Saúl reyisti putut mistusin sarawayxäna.