1 Samuel 23:4 - Qullan Arunaka DC

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.

Aymar Bibliia 1986

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.

Qullan Arunaca

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.

1 Samuel 23:4 Jak'a apnaqawi uñst'ayäwi

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

2 Reyes 3:18

Akasti kuntix Tatitux lurkaspa ukat mä jisk'a uñacht'äwikiwa, ukhamarus jupax moabita jaqinakxa jumanakan amparanakamaruw katuyapxätam,

1 Crónicas 14:10

Ukat Davidax Tatitur jiskt'äna: —¿Filisteonakarux katuntiristti? ¿Jupanakarux atipt'ayitasmati? —sasa. Tatitusti juparux sänwa: —Katuntaskakim, nayaw jupanakarux atipt'ayäma —sasa.

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Jueces 6:39

Ukampis Gedeonax Tatitur saskakïnwa: “Tatay, janiw q'apisïtati, nayan wasitatampi yant'añ munataxata, mayampi sum yatiñaxataki. Jichha kutinsti jawi t'arwax wañakïskpan, uraqisti sullampi jurichjatarakïpan” sasa.

Jueces 7:7

Ukat Tatitux Gedeonar säna: “Aka kimsa patak jaqinakampiw jumanakarux qhispiyapxäma, madianitanakarusti atipt'äwa. Mayninakasti utanakapar sarxapxpan” sasa.

Jueces 7:9

Uka arumasti Tatitux Gedeonar sänwa: “Sartasim, madianitanakar katuntir saram, nayaw jupanakxa amparamaru katuyäma.

1 Samuel 10:22

ukat Tatiturux wasitat jiskt'apxäna, Saúl waynax ukankaskpachati janicha uk yatiñataki. Tatitusti Saúl waynan q'ipinak manqhan imantatäskatap uñacht'ayäna.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:3

Ukampis Davidan jaqinakapax sapxarakïnwa: —Aka Judá uraqisankkasinsa wal axsarayastanxa ¡Queilá markar filisteo soldadonakampi nuwasir sarkañäni ukkhax juk'ampiw axsarayasiñäni! —sasa.

1 Samuel 23:5

Davidampi, jaqinakapampisti Queilá markaruw sarapxäna, ukansti filisteonakamp nuwasisax q'al atipjapxäna, uywanakapsa katuntasipxarakïnwa. Ukhamat Davidax Queilá markan jakirinakarux qhispiyäna.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.

1 Samuel 30:8

Davidasti Tatituruw jiskt'asïna: —¿Uka lunthat tama jaqinakarux arktiristti? ¿Arktasin jupanakarux jikxatiristti? —sasa. Tatitusti sänwa: —Arktaskakim, jikxatätawa, uka katuntat jaqinakarus kuttayanxarakïtawa —sasa.