1 Samuel 2:10 - Qullan Arunaka DC Tatituw uñisirinakaparux jisk'a jisk'a tukjani, jupanakxarux alaxpachatpach q'ixu q'ixunak apayanini. Tatituw taqi akapachar taripani; Jupan ajllit reyirusti ch'amancharakiniwa, ch'amapasti juk'ampiw jiltarakini.” Aymar Bibliia 1986 Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.” Qullan Arunaca Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.” |
Jupaw nayatakix mä uta utacharapitani, nayasti marka apnaqäwip wiñayatakipuniw utt'ayarakï.
Ukhamasti, David luqtirixarux saskakim, naya, taqi ch'aman Tatituw jupar sista: ‘Nayaw jumarux uywa awatkirit irpsunsma, oveja taman qhipap sarañatsa irpaqaraksma, Israel markaxan jilïripäñamataki;
Ukawjan Davidan ch'amap wasitat sartayä. Ajllit reyixatakix mä qhana wakicharapï.
¡Jupaw markaparux ch'amañchi! ¡Jupar iyawsirinakapax yupaychañäni, jupan ajllit Israel markapätanwa! ¡Tatitur yupaychapxañäni!
Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.
Hierro thujrumpiw jupanakarux apnaqäta, ¡ñiq'i phukhunakarjamaw t'unjarakïta!” sasa.
6 (7) Jichhakuchaw amuyta, Tatitux ajllit reyiparuw atipt'ayani; qullan alaxpachatpach juparux ist'ani, ch'amapampiw jach'a atipt'äwinak churani.
7 (8) Yaqhipanakax nuwasiñ carronakanïpxiwa, yaqhanakasti walja caballonakanïpxiwa; jiwasanakasti Tatit Diosasan yanapt'apanïtanwa.
1 (2) Tatay, reyix ch'am churatamat walpun kusisi; ¡atipjayatamat wal kusisiraki!
Tatituw markapar ch'amañchirixa, juparakiw ajllit reyipar yanapirisa, arxatirisa.
7 (8) Aski kankañarux munastawa, ñanqharusti uñistawa. Ukat Diosamax jumar ajllistam, masinakam taypin kusisiñampiw phuqhanttam.
17 (18) Jumaw ch'amapätaxa, aytat kankañapätasa, khuyapayasiñam laykuw ch'amanakaxax jilxati.
24 (25) Munasiñaxampi, aski kankañaxampi katuqani, sutix laykuw ch'amapax jilxatani.
25 (26) Jupax wali ch'amampiw apnaqani, Mediterráneo lamar qutat qalltasa, Éufrates jawirkam puriyasa.
jutaskir Tatit nayraqatan wararipxpan! ¡Akapachar apnaqiriw jak'achasisinki, chiqapar uñjasaw akapacharux apnaqani, chiqa kankañampiw markanakarux sarayani!
kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!
Waynäkas k'uchirtasim; kunatix askïki ukat kusisim. Chuymamax kunjämarutix munki, nayramas kuntix uñjki ukhamar luram; ukampis taqi ukanakat Diosaw taripätam.
Diosax taqi luratanakasat wayt'istani, walitsa, jan walitsa, jamas chiqan luratanakasatsa.
Mä reyiw utjani, jupasti chiqaparuw apnaqani, marka apnaqirinakasti chiqa uñjäwimpiw apnaqapxarakini.
Ukat taqinis sapxani: ‘Tatitukiw ch'amsa, atipt'añsa churistaspa’ sasa. Taqi khitinakatix uñisipkitu ukanakaxa, jisk'achjataw uñjasipxani.
“Uka urunakansti nayaw Israel markarux juk'ampi ch'ama yapt'arakï, jumasti Ezequiel, jupanakampix qhan parlarakïta. Ukapachaw yatipxani, nayan Tatitu Diosätaxa.”
Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.
Jesusasti jupanakar jak'achasisin säna: —Diosax munañan kankañ churitu, alaxpacha, akapach apnaqañataki.
Khitinakatix nayan reyïñax jan munapkän uka uñisirinakaxar akar irptanipxam, ukatsti nayraqataxan jiwarayapxam’ ” sasa.
Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.
“Chiqpachansa, aka markan mayachasipxi Herodesampi, Poncio Pilatompi, romano jaqinakampi, Israel markampi qullan Jesús luqtirimar jiwayañataki, khitirutix nanakan reyixatak ajlliskta ukaru.
Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.
“¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.
Ukampis jichhax akaxay jumanakan ajllit reyixa. Tatitux kuna reytix mayipkta uk churapxtamwa.
Jichhax trigo apthapiñ urunakawa, janiw jallu pachäkiti, ukampis nayaw Tatiturux mayï, jallun q'ixu q'ixunakamp chik purxatayañapataki, ukhamat Tatitux jumanakar uñacht'ayapxätam, mä reyi mayitanakamampix jan wal lurapxatama” —sasa.
Ukspachaw Samuelux Tatitur art'asïna, Tatitusti mäkiw q'ixu q'ixunakampi jallumpi apayanïna; ukatsti taqi jaqinakaw Tatitutsa, Samuelutsa wal axsarapxäna.
jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.
Ukat Samuelux Saúl reyirux säna: —Kunjämtix isix ch'iyaqkista ukhamarakiw Tatitux Israel marka apnaqañ apaqaraktam. Juman mayni marka masimar katuyxañatakiw apaqxtam, kawkïritix jumat sipansa juk'ampi askïki ukaru.
Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.
Kunapachatix Samuelux nakt'at wilañcha luqtaskäna ukkhasti, filisteonakax israelitanakar tukjañatakiw jak'achasinipxäna; ukapachaw Tatitux mä jach'a q'ixu q'ixu jupanakxar apayanïna, ukasti jupanakarux walpun mulljäna, ukhamat israelitanakax filisteonakar atipjapxäna.