1 Samuel 18:7 - Qullan Arunaka DC Ukham q'uchkasinsti, ukhamarak thuqkasinsa, warminakax jach'at sapxäna: “Saúl reyix waranqa jaqinak jiwarayi; Davidasti tunka waranqa jaqinak jiwarayaraki” sasa. Aymar Bibliia 1986 Uqham k'ochcasinsti, uqhamarac thokcasinsa, warminacajj aqham sasaw sapjjäna: “Saúl reyejj waranka jakenac jiwarayi; Davidasti tunca waranka jakenaca jiwarayaraqui” sasa. Qullan Arunaca Uqham k'ochcasinsti, uqhamarac thokcasinsa, warminacajj aqham sasaw sapjjäna: “Saúl reyejj waranka jakenac jiwarayi; Davidasti tunca waranka jakenaca jiwarayaraqui” sasa. |
Jaqinakapasti ukxaruw jupar sapxäna: —Reyixay, jan uk luramti, uñisirisatakix janiw kunäkis nanakan jaltxapxañaxaxa, chikatpach jiwarapxañaxasa; ukampis jumax rey, tunka waranqa jaqinakat sipan juk'ampïtawa. Jumax markaruk qhiparaskam, ukhamat nanakatakix yanapirinak khithanipxitäta —sasa.
Aka arunakax Davidan qhip qhipa arunakapawa: “David, Jesé chachan yuqapa, Tatitun jach'ar aptat jaqi, Jacob chachan Diosapan ajllisit reyi, Israelan suma q'uchunakap q'uchuri, jupasti siwa:
Ukchañkamasti Davidampi taqpach israelitanakampix, wali kusisitaw Diosan nayräxap sarapxarakïna, taqi ch'amapamp q'ucht'asisa, thuqt'asisa, arpanakampi, salterionakampi, panderonakampi, castañuelanakampi, platillonakampi kusist'asisa.
Mariasti akham sasaw q'uchüna: “Tatitusar jach'añchas q'uchupxam, atipjäwipax muspharkayawa, ¡caballonakarusa, jaqinakarus qutaruw jaqunti!” sasa.
11 (12) Aquís reyin jilïrinakapasti sapxarakïnwa: —¡Akax Davidarakisä, aka uraqin reyipäki ukarakisä! Jupat jayllipxäna akham sasa: “Saúl reyix waranqa jaqinak jiwarayi, ukampis Davidax tunka waranqa jaqinak jiwarayaraki” —sasa.
12 (13) Davidasti uka arunak amukiw chuymapar katuqäna, ukat Gat uraqinkir Aquís sat reyirux axsaräna.
¡Jupasti pachpa Davidawa, khitittix thuqt'asis jayllipkäna akham sasa: “Saúl reyix waranqa jaqinak jiwarayi, Davidasti tunka waranqa jaqinak jiwarayi”! —sasa.