1 Samuel 14:16 - Qullan Arunaka DC

Saúl reyin uñch'ukiri soldadonakapasti, Benjamín uraqin Guibeá chiqatpach filisteonakarux uksar aksar chhukhunaqaskir uñjapxäna.

Aymar Bibliia 1986

Saúl reyin centinelanacapasti, qhitinacatejj Benjamín oraken Gabaa sisqui uca chekancasipcän ucanacasti, filisteonacarojj ucsar acsar chhuqhunakerwa uñjapjjäna.

Qullan Arunaca

Saúl reyin centinelanacapasti, qhitinacatejj Benjamín oraken Gabaa sisqui uca chekancasipcän ucanacasti, filisteonacarojj ucsar acsar chhuqhunakerwa uñjapjjäna.

1 Samuel 14:16 Jak'a apnaqawi uñst'ayäwi

Salmos 58:7

7 (8) Ch'umarir umar uñtat chhaqtapxpan; takisit qurar uñtat pharsupxpan;

Salmos 68:2

2 (3) jiwq'ir uñtataw chhaqtapxi, ninampi umatatayat lik'jamaw umatatapxi; ñanqha lurir jaqinakax Diosan nayraqatapan tukusipxi.

Isaías 19:2

Tatitux siwa: “Egiptonkir jaqinakarux jupanakkam nuwasiyä, masix mayni masipampi, mä markasti yaqha markampi, mä reinox yaqha reinompiw nuwasini.

Jueces 7:22

ukchañkamasti uka kimsa patak israelitanakax pututunak pututt'asipkakïnwa, Tatitusti madianitanakarux jupanakpur nuwasiyäna, ukatsti jupanakax Bet-sitá chiqakamaw jaltxapxäna, Sererá thakhina, Abel-meholá qurpapkama, Tabat jak'ana.

1 Samuel 14:15

Ukatsti campamentonkirinakasa, markankirinakasa, nuwasir soldado tamanakas wal axsarayasipxäna. Ukhamarus uraq khathatiw sartarakïna, ukatsti jan walt'añaw utjäna.

1 Samuel 14:17

Ukatsti Saúl reyix jupamp chikäki uka ejercitorux sarakïnwa: —Tumpthapisipxam, khitinakas jiwasan soldadonakasat chhaqhata uk yatiñataki —sasa. Tumpthapitatsti, Jonatanampi, yanapiripampiw chhaqhatäpxäna.

1 Samuel 14:20

Ukspachaw Saúl reyix taqpach soldadonakapampi tantacht'asisin filisteonakampi nuwasiñ qalltapxäna. Filisteonakasti ukham jan walt'añan jikxatasisax jupanakkamakiw jiwarayasipxäna.