1 Juan 3:17 - Qullan Arunaka DC

Ukampis mayni qamiritix jilapan pist'ayasitap yatkasin jan khuyapt'ayaskchi ukaxa, ¿kunjämarak Diosan munasiñapasti chuymapan utjaspasti?

Aymar Bibliia 1986

Maynitejj kamirïchi ucat, jilapan pist'ayasitapa yatisina jan jupat qhuyapt'ayascchejja, ¿cunjämarac Diosan munasiñapajj chuymapan utjaspasti?

Qullan Arunaca

Maynitejj kamirïchi ucat, jilapan pist'ayasitapa yatisina jan jupat qhuyapt'ayascchejja, ¿cunjämarac Diosan munasiñapajj chuymapan utjaspasti?

1 Juan 3:17 Jak'a apnaqawi uñst'ayäwi

Proverbios 12:10

Aski jaqix uywanakapat khuyapayasiwa, ñanqha lurir jaqisti janiw khuyapayasiñ yatkiti.

Proverbios 14:31

Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Proverbios 21:13

Jan kunan jaqin achikt'asitapar jan ist'ir jaqixa, jupax yanap maykani ukkhax, janirakiw ist'atäkaniti.

Proverbios 28:9

Diosan kamachipar jan ist'añ munir jaqirux, janiw jupan mayisitap Diosax ist'kaniti.

Lucas 3:11

Juanasti jupanakarux sänwa: —Khititix pä isinïki ukaxa, jan isinir may churañapawa; khititix manq'añanïki ukax, jan manq'añanïki ukampiw manq'asiñapa.

2 Corintios 8:9

Jumanakasti yatipxtawa, Jesucristo Tatitusax munasiñapan qamirïkasin jumanak laykux jan kunanir tukuwayi, ukhamat jupan jan kunan tukutapampix jumanakan qamirkipstapxañamataki.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

Santiago 2:15

Sañäni, mä jilatasa jan ukax mä kullakas isit jalstata, jan maq'añani uka urux uñjasispa;

Santiago 2:16

ukat jumanakat maynix saspa: “Waliki, isthapisim, sist'asiñkam manq'asirakim” sasa, ukat janirak kuntix munki uk churkaspa ukasti, ¿kuna askirakïspa uka arsutapasti?

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.