Ukat Tatitux saraki: “Nayawa Jerusalén markatakix mä suma ajllit jila alan qala tukurakï, jach'a wakiskir qaläyäwa, uta qalltan mä wakiskir qalapjamäyäwa. Khititix nayar katuyasis jakanixa, jakäwipax sumakipunïniwa.
1 Corintios 3:11 - Qullan Arunaka DC janiw khitis uta qallta uchatarux yaqha qalltxa uchkaspati, nayrïr uta qallta uchatäki ukax Jesucristowa. Aymar Bibliia 1986 Janiraquiw jichhajj qhitis yakha cimiento kaljja uchcaspati. Uscutäjjewa, ucasti pachpa Jesucristowa. Qullan Arunaca Janiraquiw jichhajj qhitis yakha cimiento kaljja uchcaspati. Uscutäjjewa, ucasti pachpa Jesucristowa. |
Ukat Tatitux saraki: “Nayawa Jerusalén markatakix mä suma ajllit jila alan qala tukurakï, jach'a wakiskir qaläyäwa, uta qalltan mä wakiskir qalapjamäyäwa. Khititix nayar katuyasis jakanixa, jakäwipax sumakipunïniwa.
Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.
Nayaw uta lurir jaqïtxa, nayaruw Diosax munasiñapan uta qalltañatak uchitu, ukatsti yaqhaw ukxarux pirqa sayt'ayaski. Ukampis sapa mayniw kunjämtix uka uta pirqa luraski uk amuyasiñapa,
Uta qalltatxarusti, maynix qurimpi, qullqimpi, suma qalanakampi, lawampi, jichhumpi, suqusampi, taqi ukanakampiw utachaspa;
Jumanakax mä jach'a utar uñtatäpxtawa, uka utasti apostolunakana, profetanakan yatichäwipxar utachatawa, pachpa Jesucristorakiw utar thurxäsir jach'a qalaxa.
Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.
Jesucristor jak'achasipxam, jupax jaqinakan apanukut jakkir qalawa, ukampis Diosatakix mä suma ajllit wali jila alan qalawa.