Sofonías 2:9 - Qullan Arunaca Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini. Aymar Bibliia 1986 Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini. |
Panpachaniraquiw inti jalanta toker sarapjjani ucatsti filisteonacar khepäjjat liwinucupjjaraquini; inti jalsu tokenquir marcanacarusti panpachaniw kamir cancañapjja aparapjjani. Jupanacan ch'amanacapasti Edom, uqhamaraqui Moab sisqui ucacamaw purini, amonitanacarusti jupanacaw apnakapjjaraquini.
Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.
Sartasim ucatsti take toke uñatatasiraquim, uñtam cunjämsa takeni tantachasipjje, ucatsti juman ucar cuttanipjjaraqui. “Naya, Tatituw jacañajj laycu juramento lurta, take jupanacasti jumataquejj mä suma korir uñtatäniwa, mä casarasiri tawakon c'achachanacapjama.
Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.
Tatitun arunacapa, Israelan take ch'amani Diosapan arunacapa Moab marcataqui: “¡Pobre Nebo marca! ¡Cunja t'unjatätasa! ¡Quiriataim sat marcasti catuntatawa, jisc'achjataraquiwa! ¡Ch'amapasti pamparu liwinucutaraquiwa!
Tatitun arunacapa Amón marcataqui: “¿Cawquinquisa Israel marcan wawanacapajja? ¿Cawquinquisa herederonacapajja? ¿Cunatsa jichhajj Milcom sat diosan Gad marcajj jupanquejja? ¿Cunatsa amonita jakenacajj marcanacapan jacapjje?
Hazor marcasti wiñayataqui wasarar tucuyatäniwa, kamakenacan putuparaquïniwa, janipuniw qhitis ucan utjañataquejj cuttancaniti ni sarcamayasa.”
Cunjämatejj Sodoma, Gomorra, uqhamaraqui uca jac'anquiri marcanacasa t'unjata uñjasipjjänjja, uqhamaraquiw jichhajj Babiloniajj uñjasini. Janipuniw ucanjja qhitis jaccjjaniti, ni pascamayasa. Naya Tatituw ucjja arsta.
Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.
Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.
Utanacapan lawanacapas jakonucutäniwa, uca utanacasa ovejanacan uyuparu tucuyatäniwa, uqhamaraqui take casta animalanacaw ucan jacapjjani. Jucumpi, añathuyar uñtata ch'aphirar animalanacampiw uta mantañ lawanacan iquipjjani, siwik'aranacasa wararipjjaniwa ventananacana, uqhamarac uta patanacana.
Ucatsti Judá marcan jilt'ir jakenacaw uca orakenacjja catuntasipjjani, cunapachatejj Diosapajj yanapt'añataqui jutcani, uqhamaraqui jaya marcaru apanucutatsa cuttayancani ucapacha. Jupanacasti ucanwa ovejanacap uñjapjjani. Arumanacasti Ascalón utanacanrac iquipjjani.
Israel marcan jilt'iri jakenacasti janiraquiw cunatejj jan chekapäqui ucanacjja lurcjjapjjaniti, c'arisipcaraquinisa, janiraquiw engaño arunacsa parlcjjapjjaniti. Jupanacasti jan cuna ajjsarasaw mank'asipjjani, samarapjjaraquini” sasa.
¡Take acapachanquir jakenaca amuct'apjjam Tatitun nayrakatapana, jupasti kollana jacäwipatpachwa jiwasanac taypiru jutasqui!
Ucampisa chekpacha nayaw jacta, jach'a cancañajjas take acapach phokhantaraquiwa.
Kellkatanjja aqham siwa: “Nayajj chekpachansa jacasctwa, siw Tatitojja, ucatwa take jakenacajj nayan nayrakatajjanjja quillt'asipjjani, takeniraquiw Diosarojj yupaychapjjani” sasa.
Cawquïri wawanacatï jumanacan khepamat jutcani, uqhamarac yakha marcat jutir jakenacas purincani, take ucanacaw plaganaca, usunaca, Diosajj aca oraker apayanqui ucanacjja uñjapjjani.
Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.