Rut 2:9 - Qullan Arunaca

Ucatsti sarascaquim cawqhantejj cebada yawir jakenacajj yawthapipcani uca chekaru. Nayasti uywatanacajjarojj sistwa ‘Janiw cunsa parljjayapjjätati’ sasa. Cunapachatejj umat pharjätam ucqhasti, uywatanacajj wacullanacaru uma apsupqui ucat umt'ascaquïtawa —sasa.

Aymar Bibliia 1986

Ucatsti sarascaquim cawqhantejj cebada yawir jakenacajj yawthapipcani uca chekaru. Nayasti uywatanacajjarojj sistwa “Janiw cunsa parljjayapjjätati” sasa. Cunapachatejj umat pharjätam ucqhasti, uywatanacajj wacullanacaru uma apsupqui ucat umt'ascaquïtawa —sasa.

Qullan Arunaka DC

kawkhantix cebada yawir jaqinakax yawthapipkani uka chiqar saraskakim, nayaw uywatanakaxar iwxta, jan khitis jumar kamsañapataki. Umat pharjkätam ukkhasti, uywatanakax wakullanakar uma apsusipki ukat umt'askakïtawa —sasa.

Rut 2:9 Jak'a apnaqawi uñst'ayäwi

Génesis 20:6

Diosasti samcanjja saraquïnwa: “Nayajj yattwa take cunsa mä suma chuymampi lurascatama. Ucatwa jani uca warmir llamct'aycsmatejja, uqhamat jan naya contra jucha lurascañamataqui.

Job 19:21

Juma amigonacajjasti nayatjja qhuyapt'ayasipjjeta, Diosasti colerasiñapwa nayjjaru puriyani ucata.

Salmos 105:15

Jupajj sänwa: “Ajllitanacajjarojj jan llamct'apjjamti, profetanacajjarojj jan ñankha lurapjjamti” sasa.

Proverbios 6:29

Uqhamaraquïniwa qhititejj jake masipan warmipampi jucha lurañan sarnakqui ucajja. Juchapjja uñt'asipuniniwa.

Mateo 10:42

Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”

1 Corintios 7:1

Jichhajj cuna jisct'anactï apayanipquistas ucanacaruw arusjjataña munaracta. Chekpachansa mä jaketaquejj asquiw jan casarasiñapajja.

1 Juan 5:18

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

Rut 2:10

Rut warmisti orakeruw p'ekep alt'äna take ajjsart'añampi, ucatsti Booz chacharojj jisct'araquïnwa aqham sasa: —¿Cunatarac nayaru uñjasin qhuyapt'ayasista, nayajj yakha marcanquirïctsa ucasa? —sasa.

Rut 2:8

Ucatwa Booz chachajj Rut warmirojj saraqui: —Ist'it, wawa, jan saramti yakha yapurojj cebada puyanaca apthapirejja. Acancaquim uywatanacajjamp chica.