Proverbios 8:11 - Qullan Arunaca

Yatiñ cancañajj wali jila alani kalanacat sipansa juc'ampiwa; ¡janiraquiw chicachascaspati cunatejj wali muncañäqui ucampisa!”

Aymar Bibliia 1986

Yatiñ cancañajj wali jila alani kalanacat sipansa juc'ampiwa; ¡janiraquiw chicachascaspati cunatejj wali muncañäqui ucampisa!”

Qullan Arunaka DC

Yatiñ kankañax suma k'ajkir qalanakat sipana, juk'amp jila alaniwa; ¡janiw kunatix wali munkayäki ukampis kikipaskaspati!

Proverbios 8:11 Jak'a apnaqawi uñst'ayäwi

Salmos 119:103

Arunacamajj lacajjatac wali mojjsawa: misq'it sipan juc'ampiwa.

Salmos 119:127

nayasti arunacamarojj munastwa, jila alan korit sipana.

Salmos 119:72

Lacamat mistur arunacaruw munasta, warank warank korit sipana, kollket sipana.

Salmos 19:10

korit sipan juc'amp muncayawa, suma korit sipan juc'ampiwa; chhuyu misq'it sipan juc'amp mojjsawa.

Proverbios 16:16

Korit sipansa yatiñ cancaña jicjjatañawa asquejja; kollket sipansa amuyt'anïñawa asquejja.

Proverbios 20:15

Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.

Proverbios 31:10

“Suma warmejj janiw jicjjatañjamäquiti; ¡jupajj suma c'ajquir kalanacat sipansa juc'amp valoranïtap laycu!

Eclesiastés 7:11

Aca oraken jaquirinacataquisti yatiñanïñajja ancha asquiwa, uqhamarac mä herenciäcaspas uqhamawa.

Mateo 16:26

¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?

Deuteronomio 30:13

Janiraquiwa jach'a kota qhurcatancquisa juman sañamataqui: ‘Qhitiraqui jiwas lanti kota qhurcataru maqhatani, ucat apanispa jiwasar uñacht'ayañataqui, ucatsti ucarjama sarnakañataqui’ sasa.