Proverbios 6:12 - Qullan Arunaca

Qhititejj ñankha, jan wali jakëqui ucajja, c'ari arunaca parlasaquiwa sarnake;

Aymar Bibliia 1986

Qhititejj ñankha, jan wali jakëqui ucajja, c'ari arunaca parlasaquiwa sarnake;

Qullan Arunaka DC

Ñanqha jan wali jaqix, k'ari arunak parlasakiw sarnaqi;

Proverbios 6:12 Jak'a apnaqawi uñst'ayäwi

Salmos 10:3

Ñankha lurir jakejj, munapayañ cancañapat jach'achasi, munapayir jakejj, Tatituruw ñankhachi, jisc'acharaqui.

Salmos 10:7

Lacapajj ñankhachañanacamp phokhantatawa, c'arintañanacampi, sallkantañanacampi; arunacapasti ñankha lurañanacampi, t'akhesiyañanacamp imanti.

Salmos 101:3

ñankha amtäwinacarojj janiw nayranacajjamp uñtcäti. Diosat saraktirinacarojj janiw uñcatcäti, janipuniw jupanacampejj jac'achayascäti.

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Salmos 59:7

lacanacapat jupok ulthusiyapjje, lajjranacapajj espadanacar uñtatawa: “Janiw qhitis ist'quistaniti” sapjjewa.

Proverbios 10:32

Asqui jakejj asquinacwa parli; jucharar jakesti jan walinacacwa parli.

Proverbios 11:6

Cheka sarnaker jakenacarojj cheka cancañawa khespiyani, ucampis juc'ampi munir jakenacarojja pachpa juc'ampi munatapaw catjascani.

Proverbios 16:27

Ñankha lurir jakejj jan wali lurañanacacwa lup'isqui; ¡arunacapasa ninjamawa lacapat mistu!

Proverbios 16:30

Nayranacapsa ch'irmt'araquiwa jan walinaca lurañatac amtan jakejja; lacapsa achurasiraquiwa jan walinac lurasajja.

Proverbios 17:4

Ñankha lurir jakempi, c'ari jakempejja, jan wali arunacaruquiwa ist'apjje.

Proverbios 2:12

ucanacaw khespiyätam jan wali sarnakäwita, uqhamarac ñankha parlir jakenacatsa.

Proverbios 3:32

Tatitusti jan wali luririnacarojj janiw munquiti, ucampis jupajj asqui jakenacampiwa parlasi.

Proverbios 4:24

C'ari arunaca parlañ jan munamti; saraktam c'arinacatjja.

Proverbios 6:14

amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui.

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Jeremías 24:2

Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Hechos 20:30

Jumanaca taypitwa mayninacajj sartapjjani c'arinac yatichasa, chekäcaspas uqhama, iyawsirinacar jupanac toker apaña munasa.

1 Timoteo 5:13

Ucat juc'ampisa, utat uta sarnakasajja jayraw tucupjje, ucatsti janiw jayraquit tucupqui, jan ucasti arunacwa apnakapjje, take cun yatjjatañ munasa, jan waquisqui ucanac parlasaraqui.

Santiago 1:21

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

Santiago 3:6

Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.

1 Samuel 17:28

Ucampisa Eliab sata Davidan jilïri jilapajj, uqham jakenacampi parlasquiri ist'asinjja wali colerasïna, ucat saraquïna: —¿Cunarus acar jutta? ¿Qhitirus uca mä kawkha ovejanaca wasaran jaytaniwayta? Nayajj jumarojj uñt'smawa jach'achasiñ munirïtama, uqhamarac jan wali amtatanacamsa, jumasti soldadonacar nuwasisquiri uñjiriquiw juttajja —sasa.