Proverbios 4:10 - Qullan Arunaca “Munat wawajjay, arunacajja ist'asinjja catoketa, ucatsti walja maranacaw jacäta. Aymar Bibliia 1986 “Munat wawajjay, arunacajja ist'asinjja catoketa, ucatsti walja maranacaw jacäta. Qullan Arunaka DC Munat wawaxay, arunakax ist'asin katuqita, jakañ urunakamasti jilxataniwa. |
Ist'am suma ewjja arunacaru, chekachäwi arunacsa catokasiraquim; uqhamatwa yatiñan jakëyätajja.
“Munat wawajjay, jumatejj arunacajja catoketäta; camachi arunacajjsa imaraquïta,
Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.
Kollketa, suma korita sipansa, jicjjatapjjam yatichäwinaca, yatiñ cancañaraqui” sasa.
Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:
uqhamata jumanacasa, wawanacamasa walja maranaca jacapjjañamataqui cawquïri oraktï Diosajj awquinacamaru churañatac arscäna ucan walja urunaca jacapjjañamataqui, cunjämäquitï alajjpachajj acapach orakjjana uqhama.
‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.
Uqhamatwa jumanacan Tatitu Diosamarojj jach'añchapjjäta, phokhapjjaraquïta camachi arunacapa, leyinacapa churapcsma ucanacaru take jacäwinacamana; uqhamaraqui wawanacaman wawanacapasa, uqhamatwa walja maranaca jacapjjaraquïta.
Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.
Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.