Proverbios 3:2 - Qullan Arunaca

ucatsti jaya maranacaw jacasïta, cusisitaw sarnakasiraquïta.

Aymar Bibliia 1986

ucatsti jaya maranacaw jacasïta, cusisitaw sarnakasiraquïta.

Qullan Arunaka DC

uk lurasasti jaya maranakaw jakasïta, kusisitaw sarnaqasirakïta.

Proverbios 3:2 Jak'a apnaqawi uñst'ayäwi

1 Reyes 3:14

Jumatejj nayan munañajja luräta, uqhamarac leyinacajjsa, camachi arunacajjsa phokharaquïta, cunjämatï David awquimajja lurcäna uqhama, ucatjja jaya maranaca jacañwa churäma” —sasa.

Job 5:26

Chuymani jakëñarusti take ch'amaniw puriscaraquïta, suma pokt'ata trigo pichur uñtata.

Salmos 119:165

Arunacam munirinacajj suman jacasipjje, janiw cunas jupanacarojj tincuyquiti.

Salmos 128:6

¡Allchhinacamar uñjañcam jacawayam! ¡Israel marcansti sumancañajj utjpan!

Salmos 21:4

Jupajj jacañ mayisïyätam, jumasti jacañ churtajja, walja maranac jacañampi, jan tucusir jacañamp catuytajja.

Salmos 91:16

walja maranacaw jacayä, ¡khespiyäwejjampiw jupar cusisiyaraquï!”

Proverbios 10:27

Tatitur ajjsaras jaquir jaketaquisti, jacañapajj juc'amp yapjjatatawa, ucampis ñankha lurir jaken jacañapajj juc'aptayatawa.

Proverbios 16:31

Jank'o ñic'utanëjjañajja mä suma coronjamawa, cheka thaquin sarnakatata jicjjatatajja.

Proverbios 4:10

“Munat wawajjay, arunacajja ist'asinjja catoketa, ucatsti walja maranacaw jacäta.

Proverbios 4:4

awquejjasti aqham sasaw yaticharaquitäna: ‘Arunacajjsti chuymamar imam; cuntï siscäma ucaraqui luram, ucatwa jacäta.’

Proverbios 9:11

Yatiñ cancañïpan jumajj walja urunacajj jacäta, walja maranacaw jacaraquïta.

Isaías 32:17

Cheka uñjäwisti sumancañwa utjayani, samarañana sarnakasiña, jan ajjsarasa, ucasti wiñayataquïniwa.

Romanos 14:17

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

Romanos 15:13

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Romanos 5:1

Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana.

Deuteronomio 11:21

uqhamata jumanacasa, wawanacamasa walja maranaca jacapjjañamataqui cawquïri oraktï Diosajj awquinacamaru churañatac arscäna ucan walja urunaca jacapjjañamataqui, cunjämäquitï alajjpachajj acapach orakjjana uqhama.

Deuteronomio 5:32

Uqhamasti Diosan take ewjjanacaparjamay jacäwinacaman sarnakapjjam jan cawcsarusa jithektasa.

1 Timoteo 4:8

Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.