Proverbios 26:21 - Qullan Arunaca

Nina sanc'ayañataquejj q'illimiwa munasi; nina naqhayañataquisti lawaraquiw munasi; ch'ajjwanaca utjañapataquisti arunac apnakeri jakew munasi.

Aymar Bibliia 1986

Nina sanc'ayañataquejj q'illimiwa munasi; nina naqhayañataquisti lawaraquiw munasi; ch'ajjwanaca utjañapataquisti arunac apnakeri jakew munasi.

Qullan Arunaka DC

K'illimix nina sank'ayañatakiwa; lawax nina aqtayañatakiwa; ch'axwanak utjañapatakisti, arunak apnaqir jaqiw munasi.

Proverbios 26:21 Jak'a apnaqawi uñst'ayäwi

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

1 Reyes 12:20

Israel marcajj Jeroboam chachan cutt'anjjatapa yatisinjja, jawsayanipjjänwa tantachat jakenac taypiru jupan uñstañapataqui, ucatsti take Israeljjaru reyitwa utt'ayapjjäna, take qhitinacatejj Davidan familiaparus suma arcapcäna ucanacasa jan maynini, Judá tributa sipana.

Salmos 120:4

¡Nuwasirin ari mich'inacapa! ¡Naqhasquir retama sanc'anaca!

Proverbios 10:12

Uñisiñajj ch'ajjwanacwa utjayi, ucampis munasiñajj take juchanacwa pampachi.

Proverbios 15:18

Mäqui colerasir jakejj nuwasiñanacwa utjayi; qhititejj llamp'u chuymanïqui ucasti, pachparuwa ch'ujtayi.

Proverbios 29:22

Qhititejj mäqui cunatsa colerasqui ucajja, nuwasiñanacwa utjayi, waljanacan pantjasiraqui.

Proverbios 30:33

leche jirüta ucajja, mantequillaw misturapjjätam; nasamata wali ch'amamp khejjsüta ucajja, wilaquiwa mistjjani; maynirutejj colerayäta ucajja, nuwasiñaruwa mantäta.