Proverbios 24:2 - Qullan Arunaca

jupanacajj jan wali lurañanacatacwa lup'isipqui, ucatsti jan wali lurañanacatacwa parlapjjaraqui.

Aymar Bibliia 1986

jupanacajj jan wali lurañanacatacwa lup'isipqui, ucatsti jan wali lurañanacatacwa parlapjjaraqui.

Qullan Arunaka DC

jupanakax ch'axwañanakatak lup'isipki, jan wali lurañanakatak parlasipkaraki.

Proverbios 24:2 Jak'a apnaqawi uñst'ayäwi

Job 15:35

Jupanacajj ñankha lurañampi wallk'eptatäpjjewa, ucatsti aynacht'añanacwa wawachapjjaraquini; cuntejj jupanacajj achupqui ucanacasti c'arinacaquiwa.”

Salmos 10:7

Lacapajj ñankhachañanacamp phokhantatawa, c'arintañanacampi, sallkantañanacampi; arunacapasti ñankha lurañanacampi, t'akhesiyañanacamp imanti.

Salmos 140:2

jan wali lurañanac chuymapan amtapjje, sapüruw nuwasiñanac utjayapjje.

Salmos 28:3

Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.

Salmos 36:4

iquiñapan iquintataw jan wali lurañanac amti, ñankha lurañ thaquir chincatatawa, janiw ñankha lurañ apanucuñ munquiti.

Salmos 38:12

nayar jiwayañ munirinacajj sipitanac ucharapipjjetu; aynacht'añajj munirinacasti jiwayañ munapjjetu, sapüruw nayataquejj achusipjje.

Salmos 7:14

Ñankha lurir jaker uñtapjjam: wawachasir warmjamaw t'akhesisqui, ñankhamp wallk'eptatawa, c'ariruw wawacharaquini.

Proverbios 1:10

Wawajjay, jucharar jakenacatejj pantjayañ munapjjätam ucajja, ¡jan jumajj ist'amti!

Proverbios 24:8

Jan walinacaqui lup'ir jakejj “Jan wali amtir jake” sasa sutichatäniwa.

Proverbios 6:14

amuyupasti ñankha lurañampi chhaktayatawa, chuymapansti jan walinac lup'isaquiw sarnake, ch'ajjwañanac aptañanac lup'isaw sarnakaraqui.

Proverbios 6:18

jan wali amtañanacaru, jan wali lurañanacaru mäqui sarañanacaru,

Isaías 30:12

Ucatpï Israelan kollan Diosapajj sejja: “Jumanacajj aca arunacjja janiw catokañ munapctati, ñankha lurañanacaru nuwasiñanacaruquiw alcatapjjtajja, ucanacaruraquiw yanap mayipjjtajja;

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.