Proverbios 23:9 - Qullan Arunaca

Jan amuyt'an jakerojj jan parlamti, ch'iqhi arunacamatjja jupajj sawcasïtamwa.

Aymar Bibliia 1986

Jan amuyt'an jakerojj jan parlamti, ch'iqhi arunacamatjja jupajj sawcasïtamwa.

Qullan Arunaka DC

Jan amuyt'an jaqirux janiy jinchu jak'at parlxayamti, jupax yatiñ kankañan arunakamat sawkasïtamwa.

Proverbios 23:9 Jak'a apnaqawi uñst'ayäwi

Proverbios 1:7

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Proverbios 14:7

Jan amuyt'asiri jaketjja jithektam; jupan arunacapanjja janiw yatiñ cancaña jicjjatcätati.

Isaías 36:21

Jupanacasti amuquiw kheparapjjäna, janiw mä arsa arscjjapjjänti, reyiraquiw jupanacarojj jan cunsa sapjjañapataqui arsutayna.

Mateo 7:6

“Janiraqui kollanäquis uca yänacjja anunacarojj churapjjamti, ucatarac uca anunacasti jumanacar cutcatapjjeristam jisc'a jisc'a tucjañataqui. Janiraqui perlanacamsa qhuchinacarojj warjjaruyapjjamti, taquisipjjañapataqui.

Lucas 16:14

Kollker wali chuyma churat fariseonacasti take acanacjja ist'asipcaraquïnwa, ucat jupanacajj Jesusatjja larusipjjäna.

Juan 10:20

Waljaniw jupanacat sapjjäna: —¿Cunatsa juparojj yäkapjje? Acajj ñankha ajayuniwa, lokheraquiwa —sasa.

Juan 8:52

Judionacasti ucjjarojj sapjjaraquïnwa: —Jichhaw yatjjapjjtjja ñankha ajayunïtama. Abrahamasa, uqhamarac take profetanacasa jiwapjjewa, jumasti arstawa: ‘Qhititejj nayan arsutajjarjama cuns luranejja, janiw cunapachas jiwcaniti’ sasa.

Juan 9:40

Jupampïcän uca mayni fariseonacajja, uc ist'asinjja jisct'apjjänwa: —¿Nanacasti juyqhüpjjaractti? —sasa.

Hechos 17:18

Epicúreo sat yatichirinacampita, estoico sat yatichirinacampitjja, mä kawkhaninacaw Pablompi wal jisct'asipjjäna. Yakhepanacajj sapjjänwa: —¿Cun sañs munpachïstu aca ancha parlir jakejja? —sasa. Yakhepanacasti sapjjaraquïnwa: —Yakha jan uñt'at diosanacat parlir jakjamaquiwa —sasa. Ucsti sapjjänwa Pablojj Jesusampit, jactäwipampit parlatap laycu.

Hechos 17:32

Pablor uqham jiwatanacan jacatatañapat parlir ist'asinjja, yakhepanacajj larusipjjänwa. Mayninacasti sapjjaraquïnwa: “Acanacjjatjja khepüruw juc'amp parlapjjetäta” sasa.