Proverbios 23:7 - Qullan Arunaca

Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Aymar Bibliia 1986

Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Qullan Arunaka DC

uka manq'anakax mallq'aman mä t'awrar uñtatäniwa. Uka jaqix manq'añampitaki, umt'añampitakiw jawsätam, ukampis janiw taqi chuyma siskätamti;

Proverbios 23:7 Jak'a apnaqawi uñst'ayäwi

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Proverbios 19:22

Mä jakenjja suma chuymanïñapawa munasi; apjasiri jakëñata sipansa, juc'amp asquiwa pobre jakëscaña.

Proverbios 26:23

Cunjämatï ñek'e phuqhu patjjaru kollkempi apaquipatäcaspajja, uqhamawa jan wali amtampi suma arunacajja.

Proverbios 26:24

Uñisir jakejj parlqui ucqhajja imt'iwa, ucampis chuymap mankhenjja jan wali lurañanacwa amtasqui.

Proverbios 26:25

Suma koña arunacampi parlätam ucqhasti, jan iyawsamti chuymapan jan wali lurañanacampi phokt'atätap laycu.

Daniel (hebreo) 11:27

Ucapachasti panpacha reyiw purapat ñankha lurasiña amtäwimpiquipuni pachpa mesaru kont'asipjjani, ucatsti jupanaccamaw c'ari arunacampi c'arintasipjjani, ucampisa janiw maynis amtatanacapjja phokhapcaraquiniti, horasajj janïra purincatap laycu.

Lucas 7:39

Uc uñjasinsti, Jesusar jawsayir fariseo jakejj chuymapanjja sänwa: “Jupatejj chekpachan mä profetäspa ucajja amuyasispaw qhititï jupar llamct'asqui, uqhamarac cunjäm jan wali sarnaker warmïquitï ucjja” sasa.

Jueces 16:15

Ucatsti Dalilajj sascaquïnwa: —¡C'ari! ¿Cunatraqui ‘Nayajj munsmawa’ sistasti? Acampejj quimsa cutiwa nayampejj sawcasistajja. Ucampis janiw yatiyquistati cawqhatsa ch'amamajj juti ucjja —sasa.