Proverbios 22:4 - Qullan Arunaca

Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.

Aymar Bibliia 1986

Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.

Qullan Arunaka DC

Llamp'u chuymamp Tatitur axsartas sarnaqañaxa, qamir kankañampi, jach'ar aptatäñampi, jakañamp katuqañawa.

Proverbios 22:4 Jak'a apnaqawi uñst'ayäwi

Proverbios 19:23

Tatitur ajjsarañajj jacañaruwa irpi; ucatsti cusisitaquiwa jacasi, cuna jan walt'añansa jan t'akhesisa.

Proverbios 21:20

Yatiñan jaken utapanjja kamir cancañanaca, suma k'aphinacawa utji, ucampis jan amuyt'an jakesti take cunanacapwa tucji.

Proverbios 21:21

Qhititejj chekana, asquina sarnakañ thakqui ucajja, jacañwa jicjjatani, jach'ar aptataraquïniwa.

Proverbios 22:3

Ch'iqhi jakejj jan walt'aña uñjasinjja jaltjjewa, ucampis jan amuyt'asir jakejja mantascaquiwa, ucatsti ñankha luräwinac jicjjati.

Proverbios 22:5

Ñankha lurir jaken sarnakäwipajj sipitanacampi phokt'atawa, ucampis suman sarnakañ muniristi uca jan walt'añanacatjja saraktiwa.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Proverbios 3:16

Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui.

Proverbios 31:30

C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

Isaías 33:6

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Daniel (hebreo) 4:36

“Ucspacharaquiw nayajj amuythapistjja, wasitat catjjaracta reinojjarusa, jach'añchäwinacajjsa, uqhamaraqui jach'a cancañajjsa. Yanapirinacajjasa, jilïri autoridadanacasa nayar thakeriw jutapjjetu, ucat nayajj wasitat marcajja apnakañjja kalltjjaracta, ch'amajjasti nayra ch'amajjat sipansa juc'ampiw jiljjattaraquïna.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

1 Timoteo 4:8

Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.

Santiago 4:10

Dios nayrakatan jisc'ar tucupjjam, jupasti jach'aruw aptapjjätam.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.