Proverbios 2:1 - Qullan Arunaca

“Munat wawajjay, jumatejj arunacajja catoketäta; camachi arunacajjsa imaraquïta,

Aymar Bibliia 1986

“Munat wawajjay, jumatejj arunacajja catoketäta; camachi arunacajjsa imaraquïta,

Qullan Arunaka DC

Munat wawaxay, jumatix arunakax katuqitäta; kamachi arunakaxsa imäta,

Proverbios 2:1 Jak'a apnaqawi uñst'ayäwi

Job 23:12

Leyinacapsa, camachi arunacapsa phokhapuntwa, janiw nayan munañajjac lurascti.

Salmos 90:12

Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Proverbios 1:3

yatichäwinaca, ch'iqhi cancaña jicjjatañataqui, uqhamarac jakerojj asqui cheka cancañana sarnakaña yatichañataqui;

Proverbios 28:7

Qhititejj Diosan leyip phokqui ucajja, ch'iqhi wawawa, ucampis sinti mank'er jakenacampi chicachasiri wawasti, awquiparojj p'enkachayiwa.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Proverbios 4:1

“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui.

Proverbios 4:10

“Munat wawajjay, arunacajja ist'asinjja catoketa, ucatsti walja maranacaw jacäta.

Proverbios 6:21

Chuymamanjja catjjäsipunim aca ewjjanacjja, cuncaru warcuntasiraquim.

Proverbios 7:1

“Munat wawajjay, arunacajjarojj ist'aquimaya; ewjja arunacajjsti chuymamarupun imam.

Proverbios 8:1

Yatiñ cancañajja jach'atwa arnakasisqui, ch'iqhi cancañasti arupjja ist'asiyaraquiwa.

Proverbios 9:1

Yatiñ cancañajj mä utwa lurasi, ucarusti pakallko pilaranacampiw c'achacht'i;

Mateo 13:44

“Diosan reinopajj cunjämatejj mä korejj oraken imantatäquis ucamp sasiwa. Mä jakew uca imantat kori jicjjati, ucatsti uca pachparuw wasitat imantjjaraqui, ucatsti cusisitaw take cunatejj jupan utjquis ucanac aljantasin uca orakjja alasjje.

Lucas 2:19

Ucampisa Mariajj take acanacjja wal lup'isaw chuymaparu imäna.

Lucas 2:51

Ucapachaw jupanacamp chica Nazaretarojj cuttjjäna, ucatsti jupanacar ist'asaw sarnakäna. Taycapasti take acanacjj chuymaparuw imäna.

Lucas 9:44

—Ac sum ist'apjjam, ucatsti jan armapjjamti: Jaken Yokapajj jakenacan amparanacapar catuyatäniwa —sasa.

Deuteronomio 30:13

Janiraquiwa jach'a kota qhurcatancquisa juman sañamataqui: ‘Qhitiraqui jiwas lanti kota qhurcataru maqhatani, ucat apanispa jiwasar uñacht'ayañataqui, ucatsti ucarjama sarnakañataqui’ sasa.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.