Proverbios 15:7 - Qullan Arunaca

Yatiñan jakejj wali suma yatichäwinacwa parli, ucampis jan yatiñan jakejj jan walinacacwa luri.

Aymar Bibliia 1986

Yatiñan jakejj wali suma yatichäwinacwa parli, ucampis jan yatiñan jakejj jan walinacacwa luri.

Qullan Arunaka DC

Yatiñan jaqix wali suma yatichäwinak parli, jan yatiñan jaqisti jan walinakak luri.

Proverbios 15:7 Jak'a apnaqawi uñst'ayäwi

Salmos 119:13

Lacajjampiw yatiyä, juman arsut takpach camächit arunaca.

Salmos 37:30

Asqui jakejj yatiñ cancañampiw parli, lajjrapajj chekap sarnakañ khanañchi.

Salmos 45:2

Jakenacat sipan juc'amp sumätawa, lacamat munayasiñ arunacajj mistsusqui, Tatitusti wiñayataquiw asquinac churtam.

Proverbios 15:2

Yatiñan jakenacajj yatiñ cancañampiw parlapjje, ucampis jan amuyt'an jakenacajja lokhe arunacacwa parlapjje.

Proverbios 15:6

Cheka lurir jaken utapan take cunapas jan tucusquiriw utji, ucampis ñankha lurir jaken cuna jicjjatatanacapasa jan cunataquiwa.

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 16:23

Qhititejj yatiñampi amuyt'qui ucajja, yatiñampiwa parli; arunacapasti sumwa amuyt'ayi.

Proverbios 5:2

Uqhamatwa suma yatiñampi sarnakañ yatïta, ucatsti amuyt'ampiw parlaraquïta.

Eclesiastés 10:2

Yatiñan jaken amuyupajj asquiruw muni; pisi amuyun jaken amuyupasti jan waliruw munaraqui.

Cantar de los cantares 4:11

Munatajjay, lacamatjja misq'iw jalasqui. ¡Lajjram mankhensti misq'impi, lechempiw utji! ¡Isinacaman k'aphipasti Líbano kollun suma k'aphipjamawa!

Mateo 10:27

Cuntejj ch'amacana sapcsma ucjja, khanana arsupjjam; jamasat sapcsmas ucjja uta patat arnakapjjam.

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Marcos 16:15

Ucjjarusti Jesusajj jupanacarojj saraquïnwa: —Take acapachar sarapjjam take jakenacar khespiyasiñ arunac yatiyiri.

Efesios 4:29

Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

Santiago 3:6

Lajjrajj mä ninampi sasiwa. Mä jan walinac luririwa janchisanqui, ucatsti cuerppachwa k'añuchejja. Pachpa infiernon aktayatawa, ucatsti take jacañasanwa naqharaqui.