Proverbios 13:1 - Qullan Arunaca Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti. Aymar Bibliia 1986 Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti. Qullan Arunaka DC Yatiñan wawax awkipan iwxa arunakap katuqasiwa, jan ist'asir wawasti janiw chiqachäwi arunakxa katuqaskiti. |
Josafat reyisti take sarnakäwipanjja cunansa chekapapuniw jacäna, Asa sat awquipjama. Jupan luratanacapasti Tatitun nayrakatapanjja chekapänwa. Ucampis yakha diosanacan santuario utanacapajja, cawqhantejj jakenacajj uca yakha diosanacaru sacrificionaca loktapjjerïna, uqhamarac inciensonacsa naqhantayapjjerïna ucanacasti, janiw apakatäcänti.
Salomonan säwi arunacapa: Amuyt'asiri wawajj, awquiparu taycaparojj cusisiyiwa, jan amuyt'asiri wawasti jupanacarojj llaquisiyiwa.
Jan amuyt'an jakejj amuyasiwa take cunansa walicjama lurascatapa, ucampis yatiñan jakejja suma ewjja arunacarojja ist'iwa.
Ñankha lurir jakejj yatiñ thakasinjja janiw jicjjatquiti, ucampis ch'iqhi jakejja janc'aquiwa yatiñ cancaña jicjjati.
Jan yäkasir jakesti janiw munquiti jupar chekachqui ucarojja, janiraquiw yatiñan jakenacampis sarnakañ munquiti.
Yatiñan wawajj awquiparu, taycaparojj cusisiyiwa; jan yatiñan wawasti awquiparu, taycaparojj jisc'achiwa.
Jan amuyt'an jakejj awquipan yatichäwiparojj jisc'achiwa; awquipar ist'qui ucajj yatiñanïtapwa uñacht'ayi.
Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.