Proverbios 10:2 - Qullan Arunaca

Jan wali toketa jicjjatat kamir cancañajj janiw asquïquiti, ucampis cheka lurañajja jiwañat khespiyi.

Aymar Bibliia 1986

Jan wali toketa jicjjatat kamir cancañajj janiw asquïquiti, ucampis cheka lurañajja jiwañat khespiyi.

Qullan Arunaka DC

Jan wali tuqit jikxatat qamir yänakax janiw askïkiti, chiqapat jikxatat yänakasti jiwañat qhispiyi.

Proverbios 10:2 Jak'a apnaqawi uñst'ayäwi

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Proverbios 12:28

Cheka sarnakañajj jacañaruwa irpi; ñankha lurañasti jiwañaruwa irpi.

Proverbios 13:11

Mäqui jicjjatata kamir cancañajj, mäquiwa tucusjje, ucampis qhititejj juc'at juc'ata jicjjatquejja, ucawa juc'ampi jiljjatayi.

Proverbios 21:6

C'arimpi kamir cancaña jicjjatatajj, mäquiwa chhaktawayjje; amtañanacapan pantjasiritaquisti jiwañaquiwa utji.

Ezequiel 7:19

Kollkenacapsa callenacaruw willtapjjani, korinacapsa k'añu t'unanacäcaspas uqhamwa wartapjjaraquini. Tatitun colerasiñapa urojj purincani uca urusti janiw koripasa ni kollkepasa jupanacarojj khespiycaniti. Uca korinacajj janiraquiw mank'at awtjata puracanacapsa phokt'caniti, uca korir munasaw ñankha lurañanacaru puripjje.

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Romanos 2:5

Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.

Romanos 5:21

Take acanacasti lurasiwa cunjämtï juchajj jiwayañataqui ch'amanïquejja, uca quipcaraquiw Diosan qhuyapayasiñapajj jiwasatac ch'amaniraqui Diosampïtas laycu Jesucristo toke wiñay jacañ churañataqui.

Filipenses 3:9

Jupampi chict'ata jicjjatasiñajjataquiraquiwa Diosampi catokatäta, janiw leyerjam cheka sarnakatajj laycuti, jan ucasti Cristor iyawsatajj laycuwa, Diosajj catokewa qhitinacatejj iyawsapqui ucanacarojja.