Proverbios 1:2 - Qullan Arunaca

Aca säwi arunacasti: Yatiñ cancañampi, yatichäwinacampi yatiyañataquiwa, yatiñan phokt'at arunaca amuyt'añana yanapt'añataqui,

Aymar Bibliia 1986

Aca säwi arunacasti: Yatiñ cancañampi, yatichäwinacampi yatiyañataquiwa, yatiñan phokt'at arunaca amuyt'añana yanapt'añataqui,

Qullan Arunaka DC

Aka säwinakasti: Yatiñ kankañampi, yatichäwinakamp yatiyañatakiwa, yatiñan phuqt'at arunaka amuyt'äwir yanapt'añataki,

Proverbios 1:2 Jak'a apnaqawi uñst'ayäwi

Proverbios 15:33

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

Proverbios 16:16

Korit sipansa yatiñ cancaña jicjjatañawa asquejja; kollket sipansa amuyt'anïñawa asquejja.

Proverbios 17:16

Jan amuyt'ata laycusti inamayaquiw jan amuyt'an jakejj yatiñ cancaña kollkempis alasiñ munascaspa.

Proverbios 19:20

Ist'am suma ewjja arunacaru, chekachäwi arunacsa catokasiraquim; uqhamatwa yatiñan jakëyätajja.

Proverbios 2:9

Ucatsti yatïtawa chekäqui, asquïqui ucsa, ucatjja amuyaraquïtawa take asquina sarnakañapuni sumätapa.

Proverbios 4:1

“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui.

Proverbios 7:4

Yatiñ cancañarusti cullacamarjam munam; ch'iqhi cancañarusti mä familiarjam munaraquim.

Proverbios 8:33

Ist'apjjam yatichäwinacaru, jan yatiñ cancañarojj jisc'achapcamti.

Proverbios 8:5

Jan yatiñani waynanaca, ch'iqhïña yatekapjjam, pisi amuyuninaca, yatiñ cancañanïña yatekapjjaraquim.