Oseas 8:4 - Qullan Arunaca “Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui. Aymar Bibliia 1986 “Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui. Qullan Arunaka DC “Nayar jan yäqasaw reyinak utt'ayasipxi, jilïrinakapsti nayar jan yatiyasaw chhijllasipxi. Jupanakpachaw qullqipata, quripata yaqha diosanak lurasisax jan walt'añanakaru, tukjatäñanakar purisipki. |
Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.
Uqham luratapatwa Jeroboam reyin sarakerinacapajj jucha lurapjjäna, uqhamarac uca laycuraquiwa take tucjata uñjasiraquïna.
jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.
¿Lurasispati mä jakejj pachpa diosanacapa? ¡Uqhamasti uca diosanacajj janiw chekäpquiti!”
Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?
Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.
Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.
Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.
¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.
“Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.
Ucampis Israelajj cuntejj asquïqui ucjja apanucuwayiwa, ucat jichhajj uñisirinacapajj jupanacarojj arcnakani.
Uta mankhatsti aqham sanipjjaraquiwa: ‘Khanacwa sapjjsma, janiw jumanacarojj uñt'apcsmati’ sasa.
Utanisti sartasin punc jist'antipanjja, jumanaca ankanquirinacajj punc lekt'apjjäta: ‘Tata, jist'art'apjjeta’ sasa. Ucampis jupajj sapjjätamwa: ‘Janiw uñt'apcsmati cawquinquirïsipcstajja’ sasa.
Ucampis jupajj sapjjätamwa: ‘Niya sapjjsmawa, janiw uñt'apcsmati cawquinquirïsipcstajja. Jithektapjjet nayata take jan wal luririnaca’ sasa.
“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.
Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?