Oseas 10:4 - Qullan Arunaca Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”. Aymar Bibliia 1986 Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”. Qullan Arunaka DC Parlak parlaspaxa, inamayakiw kunsa parlaskaspaxa, arust'äwinaksa sutipampix qillqxataskaspawa; ukampis chiqa kankañapax jiwayir alir uñtatakïspawa kunjämatix uka alix yapu taypin jilki ukhama”. |
Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.
C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.
“Ucampis marcajjajja Adán chachjamaraquiw arsutajjarojj jan phokquiti, janiraquiw nayatacjamäcaraquisa.
¡Ay cunaquïcani jumanacataquejja leyinacajjsa c'allc'uru tucuyapjjatamatjja, uqhamaraqui cheka uñjäwsti taquichasipjjatamata!
¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!
Nayajj yatsmawa juman chuymamajj sinti jucha lurañamp phokhantatawa, uqhamarac ñankha luräwinacampi ñach'antataraquïtawa.
jan amuyt'irinaca, cuntejj arsqui ucar jan phokherinaca, jan qhuyapayasirinaca, jan jake masiparus perdonirinaca, jan munasiñ chuymaniraqui.
Jan jumanac taypinjja utjcpanti ni chachasa, warmisa, ni familiasa, ni tribusa, Tatitu Diosaru apanucurejja, uca marcanacan yakha diosanacar yupaychasa. Jan jumanacat cawquïrisa mä alin c'allc'u, uqhamaraqui venenoni saphipjamäpati.
Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.
Ucampisa nayan colerasiñajjaw jupanac contra sartani, jupanacarus apanucuraquïwa; janiraquiw jupanacatjja cunansa amtascäti. Waliraquiw jan walt'añanacasa, llaquinacasa jupanacjjaru jutani, ucatsti sapjjaniwa: ‘¿Jiwasan Tatitu Diosasasti janiti jiwasanacampïcjje, ucatti aca t'akhesiñanacan jicjjatastanjja?’ sasa.
Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.
Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.