Números 9:22 - Qullan Arunaca

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Aymar Bibliia 1986

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Qullan Arunaka DC

Qinayatix Arust'äwi Carpa patxan pä uru, mä phaxsi, jan ukax, mä maras sayt'kän ukapachaxa, israelitanakax sayt'apxarakïnwa, janiw juk'amp sarkxapxänti, pachpan utjnuqtapxäna. Qinayatix unxtkän ukkhasti, jupanakax sartawayapxänwa.

Números 9:22 Jak'a apnaqawi uñst'ayäwi

Salmos 107:7

Chica thaquiruw jupanacarojj irpjjatäna, jacañ marcaruw irpäna.

Salmos 143:10

Munañam lurañ yatichita, nayan Diosajjätam laycu. Munasir ajayumajj cheka thaquinjamay irpitpan.

Salmos 32:8

Tatitojj situwa: “Nayranacajjajj jumaruw uñch'uquisctam, nayaw yatichascäma, nayaw amuyt'ayascäma, nayaw sarañamäqui uca thac uñachayascäma.

Salmos 48:14

“Acapï Tatit Diosasajja” sasa. Jupaw wiñay irpirisajja.

Salmos 73:24

amtatamarjamaw irpistajja, khapak chekawjaruw puriyaraquitätajja.

Salmos 77:20

Marcamarojj ovej tamar uñtat irpäyätajja, Moisesampin Aaronampin amparap toke.

Éxodo 39:42

Israelitanacasti take cunanacsa lurapjjänwa cunjämtejj Tatitojj Moisesar luram siscäna uqhamarjama.

Éxodo 40:16

Moisesajj take cunwa cunjämtejj Tatitojj jupar siscäna uqhamarjama luräna.

Números 1:54

Take israelitanacajj cunjämtï Tatitojj Moisesaru siscäna uqhamaruw lurapjjäna.

Números 8:20

Moisesasa, Aaronasa take Israel marcasa phokhapjjänwa cuntejj Tatitojj Moisesaru siscatayna levitanac toketa ucanacjja.

Números 9:17

Cunapachatejj kenayajj carpa patjjat sartawaycän ucqhajj, israelitanacajj sarjjarupjjaraquïnwa, ucatsti cawqharutejj kenayajj sayt'cäna ucqharuraquiw jupanacajj puripjjäna.

Números 9:21

Yakhepa horasajj kenayajj arumaquiw kheparäna, ucatsti khepärmanthejj wali alwat sartawayjjaraquïna; ucapachasti jupanacajj sarjjarupjjaraquïnwa. Uqhamaraqui, arumäpasa, urüpasa, cunapachatejj kenayajj sartawaycän ucqhajj jupanacajj sartawayapjjaraquïnwa.

Hechos 1:4

Cunapachatejj Jesusajj apostolonacapampïscäna ucqhajja, jupanacarojj ewjjt'awayänwa: —Jerusalenat jan cawquirus sarapjjamti, jan ucasti suyt'apjjam Awquejjan arsutapa phokhasiñapcama, cunjämtejj nayajj jumanacarojj sapcäyäsma uqhamarjama.