Números 9:21 - Qullan Arunaca

Yakhepa horasajj kenayajj arumaquiw kheparäna, ucatsti khepärmanthejj wali alwat sartawayjjaraquïna; ucapachasti jupanacajj sarjjarupjjaraquïnwa. Uqhamaraqui, arumäpasa, urüpasa, cunapachatejj kenayajj sartawaycän ucqhajj jupanacajj sartawayapjjaraquïnwa.

Aymar Bibliia 1986

Yakhepa horasajj kenayajj arumaquiw kheparäna, ucatsti khepärmanthejj wali alwat sartawayjjaraquïna; ucapachasti jupanacajj sarjjarupjjaraquïnwa. Uqhamaraqui, arumäpasa, urüpasa, cunapachatejj kenayajj sartawaycän ucqhajj jupanacajj sartawayapjjaraquïnwa.

Qullan Arunaka DC

Yaqhip urun qinayax arumakiw qhiparäna, qhipärmanthisti uka chiqat unxtäna; ukapachasti jupanakax sarxarupxänwa. Arumäpasa, urüpasa, qinayax unxtkän ukkhaxa, jupanakax sartawayapxarakïnwa.

Números 9:21 Jak'a apnaqawi uñst'ayäwi

Nehemías 9:12

Ucatjja urojj irpäyätawa mä kenayampi, arumasti mä ninampiraqui, cawquinjamtï sarapjjañapäqui uca thaquipa khant'ayañataqui.

Nehemías 9:19

jumajj jach'a qhuyapayasiñama laycojja, janiw wasarana jaytanucctati. Jupanacan thaquipanjam uru jornala irpañataquejja, kenayajja janiw jupanacat sarakcänti, janiraquiw ninasa arumajja ch'amact'cänti thaqui sarañapanjja.

Números 9:20

Kenayatejj Arust'äwi Carpa patjjan juc'a urunacaqui sayt'än ucqhajj Tatitu Diosan arsutaparojj janc'aquiw sarjjarupjjäna, ucatsti Tatitu Diosan arsutaparjamaraquiw sayt'apjjäna.

Números 9:22

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.