Números 9:17 - Qullan Arunaca

Cunapachatejj kenayajj carpa patjjat sartawaycän ucqhajj, israelitanacajj sarjjarupjjaraquïnwa, ucatsti cawqharutejj kenayajj sayt'cäna ucqharuraquiw jupanacajj puripjjäna.

Aymar Bibliia 1986

Cunapachatejj kenayajj carpa patjjat sartawaycän ucqhajj, israelitanacajj sarjjarupjjaraquïnwa, ucatsti cawqharutejj kenayajj sayt'cäna ucqharuraquiw jupanacajj puripjjäna.

Qullan Arunaka DC

Qinayax carpa patxat unxtkän ukkhasti, israelitanakax sarxarupxänwa, ukatsti kawkharutix qinayax sayt'kän ukkharuw israelitanakax utjnuqtapxäna.

Números 9:17 Jak'a apnaqawi uñst'ayäwi

Salmos 32:8

Tatitojj situwa: “Nayranacajjajj jumaruw uñch'uquisctam, nayaw yatichascäma, nayaw amuyt'ayascäma, nayaw sarañamäqui uca thac uñachayascäma.

Salmos 73:24

amtatamarjamaw irpistajja, khapak chekawjaruw puriyaraquitätajja.

Éxodo 17:1

Take israelitanacasti Sin sat wasarat sarawayjjapjjänwa, ucampis Tatitun arunacaparjamasti jupanacajj juc'at juc'atawa sarapjjäna. Ucatsti Refidim sat chekaru purisajja ucqharuw carpantasis utjantapjjäna, ucampis uca orakenjja jupanacasti umjja umt'añataquejj janiw jicjjatapcänti.

Isaías 49:10

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Números 9:22

Ucampis cunapachatejj kenayajj Arust'äwi Carpa patjjan pä uru, mä phajjsi, mä mara sayt'äna ucqhajj israelitanacajj sayt'apjjaraquïnwa, janiw juc'ampi sarcjjapjjänti. Ucampisa cunapachatejj kenayajj sartawayän ucqhajj jupanacajj sartawayapjjaraquïnwa.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.