Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.
Números 8:21 - Qullan Arunaca Levitanacasti k'omachasipjjänwa, isinacapsa t'ajjsurasipjjaraquïnwa, ucatsti Aaronajj mä suma ofrendjamwa Tatituru catuyjjäna, mä k'omachäwi luräwi jupanacat lurasina. Aymar Bibliia 1986 Levitanacasti k'omachasipjjänwa, isinacapsa t'ajjsurasipjjaraquïnwa, ucatsti Aaronajj mä suma ofrendjamwa Tatituru catuyjjäna, mä k'omachäwi luräwi jupanacat lurasina. Qullan Arunaka DC Levitanakax q'umachasipxänwa, isinakapsa t'axsurasipxänwa, Aaronasti jupanakar Tatit nayraqatan mä suma waxt'äwïkaspas ukham katuyxäna, q'umachäwi luräwi jupanakat lurasina. |
Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.
Cawquïri sacerdotetejj k'omachcani ucasti, cawquïri jaketejj k'omachatäcani ucarojj uqhamaraqui take yänacapampirusa Tatitumpi Jiquisiñ Carpäquisa uca nayrakataruw uchani, Tatitun nayrakataparu;
Ucat quimsa ururu, jan ucqhajj pakallko ururusa k'omachasiñ umampiw k'omachasiñapa, ucatsti k'omachataw uñjasjjani. Janitejj k'omachascani quimsïri ururu jan ucajj pakallko ururusa, ucqhajj janiw k'omachat uñjascaniti.
K'omachat jakewa ch'allaquipani k'añuchat jakerojja, quimsïri uruna jan ucajj pakallköri urunsa. Pakallko ururusti juchanacapatjja k'omachatäjjapjjaniwa. Ucatsti k'añu jakejj isipa t'ajjsusiñapa, jarekasiñaparaquiwa, ucampisa k'añüsquiwa, janïraw jayp'ucamajj k'omachatäquiti.
“Take israelitanac taypitjja, levitanacaruw ajllista, sapa familian jilïri wawapat sipansa. Jupanacasti nayancapjjewa.
Ucatsti jupanacajj Jiquisiña Carpan yanapiriwa sarapjjani, k'omachapjjaraquïtawa, nayaru mä suma ofrendjama loktasa.
Moisesasa, Aaronasa take Israel marcasa phokhapjjänwa cuntejj Tatitojj Moisesaru siscatayna levitanac toketa ucanacjja.
Ucatsti take ucanac lurasipanjja, levitanacajj Tatitumpi Jiquisiñ Carpan luräwinacapampi phokheriw sarapjjäna, Aaronana uqhamarac wawanacapampina jac'at uñch'uquita. Cunjämtejj Tatitu Diosajj Moisesaru arscatayna uqhamawa levitanacampejj phokhasïna.
Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.