Números 32:30 - Qullan Arunaca Ucampisa jupanacatejj jan armantat maqhatapcani, ucapachasti mä orakew jupanacarojj jumanac taypit wact'ani, Canaán orakena —sasa. Aymar Bibliia 1986 Ucampisa jupanacatejj jan armantat maqhatapcani, ucapachasti mä orakew jupanacarojj jumanac taypit wact'ani, Canaán orakena —sasa. Qullan Arunaka DC Ukampis jupanakatix arsutanakaparjam jan phuqhapkanixa, Canaán uraqin jupanakax jumanak taypin jakir sarapxani —sasa. |
—Gad, uqhamarac Rubén tribunacan take jakenacapatejj jumanacampi chica Jordán jawira waquichrantata nuwasiñatac maqhatapjjani, Tatitu Diosan arsutaparjama, uca orak jumanacan catuntañamcama, ucapachasti jumanacajj Galaad orakenacwa jupanacar churapjjäta.
Ucatsti Gad, uqhamarac Rubén tribunacan wawanacapajj aqham sapjjänwa: —Nanacasti lurapjjäwa cuntejj Tatitojj sirvirinacaparu sisqui ucanaca.
Cawquïri orakenactï jumanacaru churapjjtam ucanacatejj jan Diosatacjamäcchi ucajja Diosan orakepäquis ucaru jutapjjam, cawqhantï Diosampi Jiquisiñ Carpajj jicjjatasqui ucqharu, ucatsti nanacan orakenacajj taypin mä cheka catusipjjaraquim; Dios contra jan sayt'apjjamti, ni nanac contrasa, uca mä yakha altar lurasisina, Diosan altärap utjquipanjja.