Jakenacajja suertenacwa apsuyasipjje, ucampis Tatituw phokhayi munañaparjama cunjamäñapataquisa.
Números 26:55 - Qullan Arunaca Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama. Aymar Bibliia 1986 Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama. Qullan Arunaka DC Uraqinak lakiñasti suertet wakt'atarjamäniwa. Sapaqat mayniw tunu awkit saraqir ayllunkiritjam uraqip katuqani. |
Jakenacajja suertenacwa apsuyasipjje, ucampis Tatituw phokhayi munañaparjama cunjamäñapataquisa.
Ch'ajjwañanacarojj Tatituw chekaparu uñjañapampi tucuyi, ucatsti yakha yakharacwa ch'amaninacar jaljtayi.
Uca orakesti jumanacarojj herenciatwa wact'apjjätam, cawquïri jakenacatejj yakha marcanacat jutasina jumanac taypina jacapcani, uqhamaraqui wawanacanïpcani ucanacarusa. Ucanacarusti Israel oraken yurirïpcaspasa uqhamwa uñjapjjäta. Cunapachatejj uca orake Israel tribunacar laquintapcäta ucapachasti jupanacarojj wact'araquiniwa.
Orakenac laquintañasti suertetjamäniwa take jach'a tamanacansa, uqhamarac jisc'a tamanac taypinsa.”
Ucampisa suertetcam jaljasipjjäta, take tribunacan familianacapampi chica, walja jach'a familianacarojj jach'a orakenacwa churapjjäta, jisc'a familiarusti jisc'a orakenaca churapjjaraquïta, sapakat familiaw catokani, cunjämatejj suertetjja wact'qui uqhamarjama.
Moisesasti acnïri yatichäwinacwa israelitanacarojj churäna: “Aca orakenacwa jumanacajj suertetcama laquintasipjj: ta, uca orakwa Tatitojj churasiñapataqui arsu, llätunca chicatan tribunacajj kheparqui take ucanacaru.
—Tatituw jumar sistam suertet laquintañamataqui take israelitanacaru, cawquïri oraketejj Zelofehad chacharu wact'añapäqui nanacan familianacajjata, ucanacjja imill wawanacaparu churjjañama.
Oración tucuyjjasinsti, suertenacwa jaktapjjäna uca panita ajllitäñapataqui. Suertesti Matiasaruw wact'äna, jupampisti tunca payanpachäjjänwa.
uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.
Uqhamaw Josué chachajj takpach orakenaca catuntänjja, cunjämtï Diosajj Moisesaru siscatayna uqhama, ucatsti tunca payan Israelan tribunacaparuw uca orakenac herenciat laquintäna, ucat acsarusti samarañaw uca orakenacanjja utj-jjäna.
Uca orakenacasti suertetwa laquintasïna uca llätunca chicani tribunacaru, cunjämatï Dios Tatitojj Moisesar siscatayna uqhamarjama.
Josean wawanacapajj Josué thiyaruw sarapjjäna aqham sasa: —¿Cunataraqui nanacarusti mä jisc'a orakec suertet churapjjestasti? Nanacajj walja familiäpjjtwa Diosasti wal bendicipjjaraquitu —sasa.
Ucjjarusti jupanacajj uca orakenac pakallkoru jaljapjjani ucqhajj yatiyapjjetaniwa cunjämätaynas uca, ucatwa nayajj Dios nayrakatana jaljapjjäma.
Ucatsti payïri orakejj Simeón tribun wawanacaparuw wact'äna. Uca orakesti Judá tribun orakepa taypincänwa.
Quimsïri orakesti Zabulón tribun wawanacaparuw wact'äna, korpasïwipasti Sarid chekacamaraquiw saräna.