Números 25:11 - Qullan Arunaca

—Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Aymar Bibliia 1986

—Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Qullan Arunaka DC

—Finees chachaw israelitanakatak q'apisitax apaqitu, jupax nayan aytat kankañax waqaychi, ukat nayax israelitanakar q'apisiñaxan atipat jan taqpach jiwaraykti.

Números 25:11 Jak'a apnaqawi uñst'ayäwi

2 Samuel 21:14

Saúl reyin amayapsa, uqhamarac Jonatanan amayapsa Cis sisqui uca jaken sepulturaparuw imjjapjjäna, uca jakesti Saúl reyin awquipänwa, Zela sisqui uca chicana, Benjamín tribun orakepana. Take cunasa reyin ordenaparjamaraquiw phokhasïna. Take ucanaca khepatsti Diosajj marca laycu mayisitanacsti ist'jjaraquïnwa.

1 Reyes 14:22

Ucampis Roboaman luratanacapajj janiw walïcänti Tatitun nayrakatapana, ucatsti juc'ampwa colerayäna nayra awquinacapana jucha luratanacapata sipansa.

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Salmos 106:30

Finees chachasti juchanirojj juchap uñt'ayäna, jach'a ususti sayt'jjänwa,

Salmos 106:31

Tatitusti qhä asqui luräwip aytapunïnwa, khepa mita jakenac taypina.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 22:5

“Uqhamarac qhititejj uywanacap ananucusina maynina pasto jarc'ataparusa, jan ucajja yapuparusa mank'suychi ucajja, uywanejj waquisiwa pagañapa suma pastopampi jan ucajj yapupampisa.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Ezequiel 16:38

Chachanacampi jucha lurañanacan sarnakatanacamata, jake jiwayatanacamatwa jumarojj juchañchäma, wali jach'a colerasiñampiw jumarojj jiwañaru catuyäma.

Nahúm 1:2

“Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Sofonías 3:8

Ucampisa jumanacajj suyt'apjjeta cunürutï jumanacaru taripañataqui jutcä ucjja. Naya Tatitu Diosaw ucjja arsta: Nayasti amttwa take marcanaca, reinonaca mayaru tantachthapiña, ucat take jupanacjjaru mutuyäwi apayaniña, uqhamarac akquiri colerasiña warjjataniñataqui. ¡Ucatsti take orakenacawa t'unjatäni akquir colerasiñajjampi phichhantataraquïniwa!

Números 25:10

Ucatsti Tatitojj Moisesarojj sänwa:

Juan 3:36

Qhititejj Yokar iyawsqui ucajja wiñay jacañaniwa, ucampis qhititejj jan Yokaru iyawsqui ucajja janiw wiñay jacañanïcaniti, jan ucasti Diosan ajjsarcañ mutuyäwipwa catokani.”

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

2 Corintios 11:2

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

Deuteronomio 29:20

Ucapachajj Tatitu Diosajj janiw janc'aqui perdoncaniti jan ucasti takpach colerasiñapa, uqhamaraqui mayjt'asitapa, uca jakerojj apayani, ucatsti jupa patjjarojj take aca libron kellkat maldicionanacaw jutaraquini, Diosasti wawanacapjja aca oraken k'alwa chhaktayaraquini.

Deuteronomio 32:16

Diosarusti colerayaraquïnwa yakha ajjtascañ diosanacar yupaychasa.

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.

Deuteronomio 4:24

¡Jumanacan Tatitu Diosamasti, tumpasir Diosawa, take cuns naqhantir ninjamawa!

Josué 22:13

Ucatsti israelit jakenacajj Eleazar sacerdoten, Finees yokaparuw qhitapjjäna Galaad oraker sarañapataqui, cawqhantï jicjjatasipjjäna Rubén, Gad, uqhamaraqui chicat Manasés tribunacajj ucaru.

Josué 24:19

Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.