Números 23:16 - Qullan Arunaca

Tatitusti Balaamampi jiquisiriw mistunïna; ucat lacaparojj uchänwa cuntejj parlañapäcän uca arunaca, uqhamaraquiw aqham säna: —Cutt'am cawqhancquitejj Balac reyejj ucqharu; parlam cuntejj siscsma uca arunaca —sasa.

Aymar Bibliia 1986

Tatitusti Balaamampi jiquisiriw mistunïna; ucat lacaparojj uchänwa cuntejj parlañapäcän uca arunaca, uqhamaraquiw aqham säna: —Cutt'am cawqhancquitejj Balac reyejj ucqharu; parlam cuntejj siscsma uca arunaca —sasa.

Qullan Arunaka DC

Tatitusti Balaamar uñstasin, kuntix arsuñapäkän uka arunak yatiyäna, juparusti sarakïnwa: —Balac reyin ukar kutt'am, juparusti kuntix sisksma uka pachpa arunak säta —sasa.

Números 23:16 Jak'a apnaqawi uñst'ayäwi

Números 22:20

Uca arumajj Diosaw Balaamarojj uñstäna; aqham saraquïnwa: —Uca jakenacatejj jumaru jawsañatac jutapjjchi ucapachajj, sartasimay jupanacampi chica sararaquim, ucampis cuntejj nayajj siscäma ucac luraraquïta —sasa.

Números 22:35

Ucampisa Tatitun angelapajj sänwa: —Sarascaquim uca jakenacampi chica, ucampis cuntejj nayajj siscäma ucac parlaraquïta —sasa. Balaamasti Balac reyin qhitanit jilïrinacamp chicaw saräna.

Números 23:15

Uca chekanwa Balaamajj Balac reyirojj aqham säna: —Aca sacrificionac loktat thiyaru kheparam; ucañcamasti nayajj Diosampi jiquisiriw sarä —sasa.

Números 23:17

Balaamajj cutt'anjjasinjja uñjänwa Balac reyirojj sacrificionac loktat thiyan sayt'ata, Moabita jilïrinacamp chica. Balac reyejj Balaamarojj jisct'änwa, aqham sasa: —¿Cunsa Tatitojj sistam? —sasa.

Números 23:5

Ucatsti Tatituw Balaaman lacaparojj uchäna cuntejj parlañapäqui ucjja, aqham sasa: —Cutt'am cawqhancquitejj Balac reyejj ucqharu, ucatsti parlam cuntejj siscsma uca —sasa.

Números 24:1

Ucampisa cunjämatejj Balaamajj uñjäna Tatitutaquejj asquïtapa Israelar bendiciñajja; janiw uñacht'äwinac jupat catokerejj sarcjjänti, cunjämatejj walja cutinac lurcatayna uqhama, jan ucasti ajanupjja wasara tokeruw uñtäna.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.