Números 18:32 - Qullan Arunaca

Cunapachatejj nayatac sumäqui uca yakhachjjapjjäta ucqhajj mank'asjjapjjätawa jilt'anacatjja jan jucha lurasa, uqhamatwa Israelitanacan k'oma ofrendapjja jan k'añuchapcätati, ucatsti janiraquiw jiwapcätati.’ ”

Aymar Bibliia 1986

Cunapachatejj nayatac sumäqui uca yakhachjjapjjäta ucqhajj mank'asjjapjjätawa jilt'anacatjja jan jucha lurasa, uqhamatwa Israelitanacan k'oma ofrendapjja jan k'añuchapcätati, ucatsti janiraquiw jiwapcätati.”

Qullan Arunaka DC

Nayatak sumäki uk yaqhachxasinsti, jan kuna jucha lurasaw jilt'anakat manq'asax janiw juchañchatäpkaniti; ukhamat israelitanakan q'uma waxt'anakap jan q'añuchaskañataki, janirakiw jiwayatäñatak juchañchatäpkaniti” sasa.

Números 18:32 Jak'a apnaqawi uñst'ayäwi

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Levítico 19:8

qhititejj mank'cani ucasti juchapa uñt'asiraquini, uqhamarac take jakenac taypitjja jiwayatäjjaniwa, cunatejj Tatitur loktatäqui uca jan yäkatap laycu.

Levítico 22:2

“Aaronampiru wawanacapampirusti aqham saraquim: Jupanacajj wali amuyasipjjañapawa cuna yänactejj israelitanacajj nayaru loktapquitu ucanacatjja, uqhamat jupanacajj jan nayan kollan sutejja ñankhachasipcañapataqui. Nayätwa Tatitojja.

Malaquías 1:7

Jumanacasti nayan altarajjarojj k'añu t'ant'anaca apanipjjtajja, ucatsti sasipcactawa: ‘¿Cunanarac jumarusti ñankhachapjjsma?’ sasa. Jumanacasti nayarojj ñankhachapjjestawa cunapachatï amuyapcta altarajjajj janis cuna yäkañäcaspa uqhama, ucapacha.

Números 18:22

Mayni israelitanacajj janiw Jiquisiñ Carparojj jac'achasipcaniti, uqham lurasajj mä juchwa lurapjjaspa ucatsti jiwañaraquiw jupanacarojj jutaspa.

Números 18:31

ucanacatsti mank'asjjapjjasmawa jumanacasa, familianacamasa, cawqha chekansa; ucajj jumanacan Jiquisiñ Carpan irnakatanacamat pagötap laycu.

Números 19:1

Tatitojj Moisesampiru, Aaronampirojj sänwa:

1 Corintios 11:27

Uqhamajja, qhititejj Tatitun t'ant'apsa mank'quejja uqhamarac copapatsa umcaraquejja jan Diosatacjamäcasina ucajja, juchwa luri Tatitun janchipa uqhamarac wilap toke.

1 Corintios 11:29

Tatitun janchipätapa jan amuyasisina mank'ani, umaraquini ucajj jupa pachpa mutuñapataquiwa mank'asqui umascaraqui.