Números 13:27 - Qullan Arunaca

Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,

Aymar Bibliia 1986

Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,

Qullan Arunaka DC

Moisesarusti sapxänwa: —Khithapkista uka uraqiruw nanakax sarapxta. Chiqpachapuniw uka uraqin lechesa, misk'isa umjam jalsuski, uñjam, aka achunakaw uka uraqin achuraki.

Números 13:27 Jak'a apnaqawi uñst'ayäwi

Nehemías 9:25

Uqhamaraquiw catuntasipjjäna nuwasiñataqui perkampi muyuntata marcanacsa suma yapuchaña orakenacsa, suma yänacan phokt'ata utanacsa, phujunacsa, uva yapunacsa, olivo yapunacsa, uqhamarac yakha achuri alinacsa. Ucatjja mank'apjjänwa sist'asiñcama, liq'intapjjaraquïnwa, uqhamarac wal cusisipjjaraquïna juman jach'a munasiñamata.

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 33:3

Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Jeremías 11:5

Jumanacatejj nayaru ist'apjjetätajja, nayajj cuntejj nayra awquinacamar juramentompi arscta ucjja phokhäwa, mä orake churapjjäma sasa, uca orakesti cawqhancapctatejj jichhajj uca orakewa, cawqhantejj leches misq'is umjam jalasqui uca.” Nayasti saraquïyätwa: “Jïsa Tata” sasa.

Jeremías 32:22

Israelarusti aca orake churaractajja, cawqhantejj leches misq'is umjam jalasqui uca orake, cunjämatejj nayra awquinacaparu arscäyätas uqhamarjama.

Ezequiel 20:15

“Wasaransti jupanacarojj juramentompiw arsta, cawquïri oraktejj jupanacaru churcta ucar jan mantayañataquejja; uca orakesti yakha orakenacat sipansa wali sumawa, leches, misq'is umjamaw jalascaraqui.

Ezequiel 20:6

Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Números 14:7

take israelitanacarojj aqham sapjjaraquïnwa: —¡Cawquïri oraktejj uñjiri sarapcta ucajj wali sumawa!

Números 14:8

Tatitojj qhuyapayasistani ucqhajj yanapt'istaniw uca oraker mantañasataquejja, uqhamarus churaraquistaniwa. Uca orakensti, leches, misq'is umjamaw jalasqui.

Números 16:13

¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Números 16:14

Jumasti janiw yakha orakerojj irpapquistati, cawqhantejj leches, misq'is umjam jalasqui ucarojja, janiraquiwa ni yapunacsa, ni uva yapunacsa churapquistati. ¿Muntati takenin irpayasiñapa mä juyqhuru uñtata? Janiw sarapquiristti jumar uñjirejja —sasaw uca jakenacajj sapjjäna.

Deuteronomio 11:9

Ucatsti walja maranaca jacapjjañamataqui uca orakena, cawquïrtï Diosajj arupampi arsüna jumanacan awquinacamaru uqhamarac wawanacaparu churañataqui, cawqha orakentï leches misq'is umjam jalasqui ucana.

Deuteronomio 26:9

aca chekar irpanisina, cawqhantejj leches misq'is umjam jalasqui ucaru.

Deuteronomio 27:3

take cawquïri yatichäwinactejj churapcsma ucanac ucaru kellkañataqui. Ucsti lurapjjam cawqhantejj leches, misq'is umjam jalasqui uca oraker mantañataqui, cawquïrtejj Tatitu Diosamajj churapcätam, cunjämatejj jumanacan awquinacamaru arsuwaycän uqhama.

Deuteronomio 31:20

Cunapachatejj nayajja, cawquïri oraktejj awquinacaparu juramentompi churañatac arscta ucar puriycä ucapachajj, cawquïri orakentï lechesa, misq'isa umjam jalasqui, uqhamaraqui cunapachatï jupanacajj sist'asiñcam mank'antapjjani, liq'intapjjaraquini, ucapachajj jupanacajj yakha diosanacaruw arcapjjani, yupaychapjjaraquini, nayarusti janiraquiw muncjjapjjetaniti, suma arust'äwejjsti p'aquintapjjaraquiniwa.

Deuteronomio 6:3

Uca laycu ist'apjjam israelit jakenaca, ch'amañchasipjjaraquim uca arunac phokhañataqui. Uqhamatwa cusisita sarnakapjjäta, ucatsti mä jach'a marcaw uca oraken tucupjjaraquïta, cawqhantï leches misq'is umjam jalasqui, cunjämatï awquinacaman Diosapajj arupampi arsuwaycän uqhama.

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.