Números 11:18 - Qullan Arunaca

Ucatsti qhitam jakenacaru arumanthitac k'omachasipjjpan, ucatwa aycha mank'apjjani. Nayasti ist'twa jachatanacapa: ‘Aychaquis utjistaspa mank'añataqui, waliquïsipcäyätanwa Egiptonjja’ sasa. Waliquiwa, nayaw aycha churä mank'apjjañapataqui.

Aymar Bibliia 1986

Ucatsti qhitam jakenacaru arumanthitac k'omachasipjjpan, ucatwa aycha mank'apjjani. Nayasti ist'twa jachatanacapa: “Aychaquis utjistaspa mank'añataqui, waliquïsipcäyätanwa Egiptonjja” sasa. Waliquiwa, nayaw aycha churä mank'apjjañapataqui.

Qullan Arunaka DC

Ukatsti jaqinakarux arumanthitak q'umachasir khitham, ukat aycha manq'apxani. Nayax jupanakan jachatanakapampi, parlatanakapamp ist'xtwa: “¡Aychakis manq'añatak utjistaspa! ¡Egipton walikipuniw sarnaqaskäyätan!” sasa. Walikiwa, nayaw manq'apxañapatak aycha churä,

Números 11:18 Jak'a apnaqawi uñst'ayäwi

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

Job 20:13

uqhama sumätapsti lacaparuw apjjäsi, sumwa mallirt'araqui.

Job 20:23

Cunapachatejj puracapa phokt'asiñ munani ucapachasti, Diosajj colerasiñapwa jupjjaru puriyanini.

Salmos 78:20

Chekans jupajj karkar sac'antasaquiw um jalsuyäna, umasti jawiranacjamaw jalsüna; ucampis, ¿t'ant'a churaraquistaspati?, ¿marcapatac aych utjayaraquispati?” sasa.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Éxodo 19:22

Uqhamarac sacerdotenacasa nayaru jac'achasiñataquejja k'omachasipjjañaparaquiwa, janiw nayajj jupanacaru tucjañ muncti uca laycu.

Números 11:1

Mä urusti israelitanacajj Tatitu tokwa parlapjjäna, jupanacan jan walt'añanac utjatap laycu. Tatitusti ucanac ist'asajj wal colerasïna, ucatsti mä nina apayanisajja campamenton thiyanacapwa phichhantäna.

Números 11:19

Janiw mä uruquiti ni pä uruquicha, ni pheska, ni tunca, ni pä tunca uruquicha,

Hechos 7:39

“Ucampis awquinacasajj janiw juparojj jaysañ munapcänti, jan ucasti jan ist'iriw tucupjjäna, ucatsipana Egiptor cutt'jjañac munjjapjjäna.

Josué 7:13

Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’

Jueces 21:2

Ucatsti Betel marcaru sarasinjja Diosan nayrakatapanwa arumcama jachapjjäna: