Mateo 22:7 - Qullan Arunaca Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui. Aymar Bibliia 1986 Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui. Qullan Arunaka DC Uk yatisinxa, reyix wal phiñasïna, ukat soldadonakaparux khithäna uka jiwayir jaqinakar jiwarayaniñapataki, markaparus ninampi phichhantañapataki. |
Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.
Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.
“T'ijut'ijunac jumanac contra qhitancta ejercitor uñtata jumanacar tucjañataqui uca maranacatjja, nayaw cuttayjjapjjäma.
Take marcanacaruw tantacht'äjja, ucatsti Josafat valleruraquiw apäjja, ucanwa jupanacarojj uñt'asiyäjja take cuntejj Israel marcajjampejj lurapqui take ucanacatjja. Israelitanacarusti jupanacajj take tokeruwa ananucupjjejja, orakejjsti jaljasipjjaraquiwa.
Ucatsti uywatanacaparojj saraquiwa: ‘Take cunaw casarasïwitaquejj waquichata, ucampis uca jawsayata jakenacajj janiw asquïquiti ni waquiscaraquis jutapjjañapajja.
Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.
Ucapachasti Judeanquirinacajj kollunacar jaltjjapjjañapawa; Jerusalén marcanquirinacasti ucatjja mistjjañanacapawa, uqhamarac pampanquirinacajja janiw marcarojj cutt'apjjañapäquiti.
Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.
Cunapachatejj nanacajj jan judiöpquis ucanacar Diosan arunacap parlañ munapjjtjja jupanacan khespiyasipjjañapataqui ucqhajja, janiw parlayapquituti. Uqhamatwa juc'amp juchanacapjj yapjjatasi. Ucampis jichhajj Diosan ajjsarcañ mutuyäwipawa jupanacjjar juti.