Mateo 20:2 - Qullan Arunaca Sapüru mä denario kollke pagañampiw qhiti, yapupan irnakaniñapataqui. Aymar Bibliia 1986 Sapüru mä denario kollke pagañampiw qhiti, yapupan irnakaniñapataqui. Qullan Arunaka DC Irnaqirinakampi parlt'asasti, mä urun irnaqatat qawqha qullqitix churañäki uk churañatakiw arsu, ukatsti uva yapupan irnaqiriw jupanak khithi. |
Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.
Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.
Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.
“Uca manut perdonayasir sirviristi, ucat sarcasinjja jicjjataraquïnwa yakha sirvir masiparu. Ucasti manuraquïtaynawa mä kawkha kollke. Cuncat catusinwa juparojj niya jiwayirjam saraqui: ‘¡Pagjjet manüquistas uca!’ sasa.
“Diosan reinopajj mä jach'a yapunimpi sasiwa, wali alwata sari irnakerinac thakeri, jupan uva yapup apthapiñataqui.
Ucampis yapunejj jupanacat maynïrirojj siwa: ‘Amigo, janiw cunsa jan wal lurcti jumampejja. ¿Janit mä denario kollket parlctanjja?
Jupasti mistuwayaraquiwa llätunca alwa horasjama, plazansti uñjaraquiwa yakha jan cuna lurañaninaca.
Ucapachaw jutapjje jayp'u toker pheska horasan mantirinacajja, ucatsti sapa mayniw pago phokhata catokapjje mä denario kollke.
Uñacht'ayapjjeta impuesto pagañäquis uca kollke —sasa. Jupanacasti mä denario kollke uñacht'ayapjjäna.
Discipulonacaparusti Jesusajj sänwa: “Chekpachansa, cosecha apthapiñajj waljawa, ucampis irnakerinacajj juc'aniquiraquiwa.
Jesusasti jan wali amtañampi sapjjatap yatisinjja, sänwa: —¿Cunats jumanacajj nayar aynacht'ayiri jutapjjesta? Apanipjjam mä kollke uñjjatañajjataqui —sasa.
Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.
Khepärmanthisti samarianquirejj sarjjañampïsinjja, pä denario kollke apsusisin korpachiri utanirojj churi, ucat saraqui: ‘Aca tataruw uñjt'arapitäta, juc'amp cuns alät ucajja, cutt'anjjä ucqhaw churjjäma’ sasa.
Uñacht'ayapjjeta mä kollke. ¿Qhitin ajanupasa, uqhamarac qhitin sutipanisa? —sasa. Jupanacasti sapjjänwa: —Cesaranquiwa —sasa.
Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.
Uca pusi jacasquirinac taypitsti mä aru ist'aracta aqham siri: “Mä kilo trigoquiw churasini mä denario kollketjja, quimsa kilo cebadaquiraquiw churasini mä denario kollketjja; janiraqui ina ch'usaru wartamti aceitsa ni vinsa.”
Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.
Ucampisa Samuel waynajj jiltascaquïnwa, sarnakatapasti Tatitutaquisa, jakenacataquisa asquiraquïnwa.
Samuel waynasti Tatiturojj sirviscaquïnwa Elí sacerdoten arsutanacap phokhasa. Uca urunacansti janiraquiw Tatitojj cuna arunacsa alekaqui yatiyirïcänti, janiraquiw qhitis alekaqui cuna uñjañsa uñjirïcänti.
Tatitusti wasitatwa Silo sat uca chekan uñstaraquïna. Ucanwa Samuelorojj Tatitojj take arunacapa yatiyaraquïna. Ucatsti Samuelojj uca arunacwa take Israel marcarojj yatiyäna.