Mateo 19:23 - Qullan Arunaca

Jesusasti discipulonacaparojj saraquïnwa: —Khanacwa sapjjsma, wali ch'amawa mä kamir jaken Diosan reinopar mantañapajja.

Aymar Bibliia 1986

Jesusasti discipulonacaparojj saraquïnwa: —Khanacwa sapjjsma, wali ch'amawa mä kamir jaken Diosan reinopar mantañapajja.

Qullan Arunaka DC

Jesusasti yatiqirinakaparux sarakïnwa: —Qhanak sapxsma, mä qamir jaqin Diosan markapar mantañapax wali ch'amäniwa.

Mateo 19:23 Jak'a apnaqawi uñst'ayäwi

Proverbios 11:28

Qhititejj kamir cancañapar alcatqui ucajja, mä waña laphir uñtataw jalaktani, ucampis asqui jakenacajja mä kokan layminacapjamawa ch'ojjñtani.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 19:22

Waynasti uca arunac ist'asinjja wali llact'ataw sarjjäna wali kamirïtap laycu.

Mateo 21:31

Uca paninitjja, ¿cawquïris awquin munañapjja luränjja?, sasa. Jupanacasti —Nayrïrïquis ucawa —sapjjewa. Jesusasti siwa: —Khanacwa sapjjsma, impuesto cobririnacasa, walja chachanacampi sarnaker warminacasa jumanacat sipansa nayrakata mantani Diosan reinoparojja.

Mateo 5:20

Jumanacarojj sapjjsmawa, sarnakäwinacamatejj jan walïcchejja ley yatichirinacata fariseonacata sipansa ucajja, janipuniw alajjpach wiñay jacañ marcarojj mantapcasmati.

Marcos 10:23

Jesusasti take tok uñatatasinjja, discipulonacaparuw saraqui: —¡Cunj ch'amas kamirinacataquejj Diosan reinopar mantañajja!

Lucas 18:24

Jesusajj uqham llaquit uñjasinjja sänwa: —¡Cunja ch'amas kamirinacan alajjpachar mantañapajja!

Juan 3:3

Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.

Juan 3:5

Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

1 Corintios 1:26

Jilatanaca, sum amuyasipjjam Diosajj jawsapctam ucjja. Jumanacatjja janiw walja yatiñan jakenacajj utjquiti, janiraquiw waljanïquis munañan jakenacasa, ni jach'a familianacat jutirinacasa.

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?