¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?
Mateo 18:9 - Qullan Arunaca Jan ucajj nayramatejj jucharu tincuntayirjamächi ucajja, apsusjjam ucatsti jayaru liwtam; walïspawa juman jacañaru mantañamajja maya nayraniqui, pä nayrani infierno ninar mantañat sipana. Aymar Bibliia 1986 Jan ucajj nayramatejj jucharu tincuntayirjamächi ucajja, apsusjjam ucatsti jayaru liwtam; walïspawa juman jacañaru mantañamajja maya nayraniqui, pä nayrani infierno ninar mantañat sipana. Qullan Arunaka DC Jan ukax, nayramatix juchar puriyirjamästamxa, apsusxam ukatsti jayar liwtam; jumatakix ch'ulla nayrani jakañar mantañamax walïniwa, pä nayranpacha wiñay aqkir ninar jaquntayasiñat sipana. |
¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?
“Ucatpï sapjjsmajja, amparamatejj jan ucajj cayumatejj juchar puriyirjamächi ucajja, qharekam ucatsti jayaru liwtam; jumataquisti walïspawa jan amparani jan ucajj jan cayuniqui jacañaru mantañamajja, wiñaya akquir ninaru paypach cayunisa jan ucajj paypach amparani mantañat sipanjja.
Jesusasti sänwa: —¿Cunatsa ‘asquinacjjat’ jisct'ista? Mayaquiw asquejja utji, ucasti Diosawa. Ucampis wiñay jacañarutejj mantañ munstajja, camachinac phokham.
Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.
“Uca laycu, cupi nayramatejj juchar puriyirjamästam ucqhajja, apsusina jayar liwtam. Walïspawa mä nayrama janchiman chhakhañapaqui takpacha jañchima infiernor jakontatäñat sipansa.
Nayramatejj juchar puriyañ munstamjja, apsjjam, ucatsti juc'amp sumäspaw Diosan marcapar ch'ulla nayran mantañamajja, pä nayranpacha infiernoru jakontatäñamat sipansa.
Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.
Uca samarañar mantañataquejj waquisipï wal ch'amañcht'asiñasajja, jan qhitis qhä jan iyawsirinacjama sarnakpati.
Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.