Mateo 13:54 - Qullan Arunaca

Ucatsti marcaparuraquiw purjjäna, ucanjja sinagoganwa yatichañ kalltäna. Ist'apcän uca jakenacasti wal muspharasipjjäna, sapjjaraquïnwa: —¿Cawquinsa aca jakejj uqham yatiñ cancañjja yatekani? ¿Cunjämataraqui aqham milagronacsa luraraqui?

Aymar Bibliia 1986

Ucatsti marcaparuraquiw purjjäna, ucanjja sinagoganwa yatichañ kalltäna. Ist'apcän uca jakenacasti wal muspharasipjjäna, sapjjaraquïnwa: —¿Cawquinsa aca jakejj uqham yatiñ cancañjja yatekani? ¿Cunjämataraqui aqham milagronacsa luraraqui?

Qullan Arunaka DC

ukatsti Nazaret markaparuw purxäna, ukansti sinagogan yatichañ qalltäna. Ist'apkän uka jaqinakasti wal muspharasipxäna, sapxarakïnwa: —¿Kawkitarak aka jaqisti ukham yatiñ kankañ yatiqanpachasti? ¿Kunjämatarak uka muspharkañanak lurpachasti?

Mateo 13:54 Jak'a apnaqawi uñst'ayäwi

Salmos 22:22

Nayasti jilanacajjaruw jumat yatiyä, tantachasïwinacapan jach'ar aptäma.

Mateo 2:23

Ucar purisinsti, Nazaret marcaru jacasiriw sarjjapjjäna. Acasti phokhasiscänwa cuntejj Diosajj profetanac toke arscäna ucanacarjama: “Nazaretanquir Jesús satäñapataqui.”

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Mateo 7:28

Cunapachatejj Jesusajj parlañ tucuyjjän uqhajja, take jakenacaw uca suma yatichäwinac istasajj muspharapjjäna.

Lucas 2:47

Take jupar ist'irinacasti walpun muspharasipjjäna jupan yatiñapatjja uqhamarac jisct'anacar arusjjatatapatsa.

Juan 1:11

Jupajj quipca orakeparuw juti, ucampis jupanquirinacajj janiw catokapcänti.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

1 Samuel 10:11

Ucampisa take qhitinacatejj nayratpacha Saúl waynaru uñt'apcäna ucanacasti, uqham profetanacjama parliri ist'asinsti, jupanaccamaw jisct'asipjjäna: “¿Cunarac pasi Cis chachan yokaparusti? ¿Saúl waynajj profetäjjaraquicha?” sasa.