Mateo 10:22 - Qullan Arunaca

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Aymar Bibliia 1986

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Qullan Arunaka DC

Taqi jaqinakaw nayar arkapxatam laykux jumanakar uñisipxätam; ukampis khititix tukuykam sayt'kani ukakiw qhispiyasini.

Mateo 10:22 Jak'a apnaqawi uñst'ayäwi

Proverbios 29:27

Cheka lurir jakenacajja uñisiwa jan wali jakenacarojja; ñankha lurir jakenacasti cheka lurir jakenacarojj uñisiraquiwa.

Mateo 10:39

Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.

Mateo 24:13

Ucampis qhititejj tucuycama sayt'cani ucawa khespiyatäni.

Mateo 24:9

“Jumanacarusti catuntayapjjaraquïtamwa t'akhesiyañataqui, ucatsti jiwayapjjaraquïtamwa. Take jakenacaraquiw jumanacarojj uñisipjjätam nayar arcapjjatam laycu.

Mateo 5:11

“Cusisipjjam cunapachatejj jakenacajj take jan wali arunacampi, uqhamarac janchiru chhojjriñchañanacampi uñisipjjätam, sapjjaraquïtam take jan walinaca nayar arcapjjatam laycu ucqhajja.

Marcos 13:13

Takenin uñisitaw naya laycojj sarnakapjjäta. Ucampis qhititejj tucuycam sayt'canejja ucaw khespiyatäni.

Lucas 21:17

Take orakpacharaquiw uñisipjjätam naya laycu.

Lucas 21:19

Jumanacatejj ch'aman sayt'apjjätajja, wiñay jacañ catokapjjäta.

Lucas 6:22

“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Juan 17:14

Nayajj jupanacarojj arunacamjj churtwa, ucampis acapachajj jupanacarojj uñisiwa jupanacajj jan acapachanquirinacäpjjatap laycu, cunjämtejj nayajj jan acapachanquirïctjja uqhama.

Juan 7:7

Acapachanquirinacajj janiw jumanacarojj uñisipquiristamti, ucampis nayarojj uñisipjjetuwa, nayan jupanacaru jan wali luratanacap khanañchatajj laycu.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

2 Corintios 4:11

Nanacasti jaccasinjja sapürus jiwañar catuyatapunïpjjtwa Cristo laycu, Jesusan jacañapajj aca jiwir janchi toke uñstañapataqui.

Gálatas 6:9

Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

1 Juan 3:13

Munat jilatanaca, acapachanquirinacatejj uñisipjjstam ucajja, jan mayjt'asipjjamti.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 2:17

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.’

Apocalipsis 2:26

Qhitinacatejj atipjcani uqhamarac cuntejj nayajj munctjja uc luririnacarojj marcanacjjaru munañanïñwa churäjja,

Apocalipsis 2:3

Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.