Lucas 9:5 - Qullan Arunaca

Ucatsti cawqhantejj jan catokañ munapcätam ucqhajja, mistjjapjjam uca marcata, cayunacamat lak'a polvonacjja thalarasipjjaraquim jupanac toke arsuta uñacht'ayañataqui —sasa.

Aymar Bibliia 1986

Ucatsti cawqhantejj jan catokañ munapcätam ucqhajja, mistjjapjjam uca marcata, cayunacamat lak'a polvonacjja thalarasipjjaraquim jupanac toke arsuta uñacht'ayañataqui —sasa.

Qullan Arunaka DC

Mä markantix jan katuqañ munapkätamxa, uka markat mistxapxam, kayunakaman laq'anakapsa thalarasiniwayapxam, jupanakatak jan wali arsuta uñacht'ayañataki —sasa.

Lucas 9:5 Jak'a apnaqawi uñst'ayäwi

Nehemías 5:13

Uqhamaraquiw isejjsa thalarasta aqham sasa: “Uqhamwa Diosajj utapatsa, orakepatsa ankäjjaru thalanucuni, take qhitinacatejj uca juramento jan phokhapcani ucanacampejja, uqhamarac aparani take cunapatejj utjqui ucanacsa” sasa. Ucatsti take jakenacawa arsupjjäna: “Uqhamäpan” —sasa. Ucatsti Tatituruw yupaychapjjäna. Jakenacasti cuntï arsupcäna lurañataqui ucanacjja phokhapjjänwa.

Mateo 10:18

Marca apnakerinacan uqhamarac reyinacan nayrakataparus apapjjaraquïtamwa nayan sutejj laycu, uqhamatwa nayatjja jupanacar parlapjjätajja uqhamarac jan judiöpquis uca jakenac nayrakatansa.

Marcos 6:11

Cawqhantejj jan catokañ munapcätamjja, ni ist'añs munapcaraquïtamjja, uca chekatjja mistuwayjjapjjätawa. Cayunacamatsti lak'anacjja thalarasiwayjjapjjätawa, jupanacan amuyasipjjañapataqui. Khanacwa sapjjsma, cawqui marcantejj jankatokapcätamjja, ucan mutuyäwipajj taripäwi urunjja juc'ampïniwa, Sodomampina Gomorrampina mutuyäwipat sipansa —sasa.

Marcos 9:37

—Qhititejj aqham wawaru nayan sutejjan catokqui ucajja nayaruw catoketu. Nayar catokeristi janiw nayarus catokquituti, jan ucasti qhitanquitu ucaruw catokaraqui —sasa.

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Lucas 5:14

Jesusasti juparojj: —Janiw qhitirus acjj yatiyätati —sasaw ewjjt'i. Ucatsti saraquïnwa: —Jichhasti sacerdoter uñstir saram. C'umaraptatamatsti ofrenda churaraquim Moisesan arsutaparjama, jakenacasti usumat c'umaräjjatam yatjjañapataqui —sasa.

Lucas 9:4

Cawqui utarus puripjjätajja, ucan kheparapjjam uca chekat sarjjañcama.

Lucas 9:48

Ucat saraqui: —Qhititejj aca wawar sutejjan catokqui ucajj nayaruw catoketu; qhititejj nayar catokquitu ucajj qhitanquitu ucaruw catokaraqui. Uqhamasti qhititejj jumanac taypinjj juc'amp jisc'äqui ucaw juc'amp jach'aru tucuyatänejja —sasa.

Hechos 13:51

Uqhamïpansti Pablompi Bernabeampejj uca jakenacataqui cayunacapat lak'a polvonac thalarasisinjja, Iconio marcaruw sarjjapjjäna.

Hechos 18:6

Ucampis judionacan jan arupar jaysapjjatapata, uqhamarac cunayman arusipjjatap laycojja, Pablojj isinacap thalarasisaw jupanacarojj säna: —Jumanacaw juchanïsipcäta, wiñay jiwañar mantascañataquejja. Nayajj jichhat ucsarojj jan judiöpquis uca jakenacan ucaruw sarjjäjja —sasa.