Lucas 8:35 - Qullan Arunaca

Jakenacasti mistunipjjänwa cunatï pascatayna uc uñjiri. Jesusan jac'aparu purisinsti, qhitittï ñankha ajayunacajj mistcän uca jakeruw Jesusan cayuparu kont'atäsquiri, isthapita uqhamarac amuyuniraqui jicjjatapjje, ucatsti jupanacajj ajjsarapjjänwa.

Aymar Bibliia 1986

Jakenacasti mistunipjjänwa cunatï pascatayna uc uñjiri. Jesusan jac'aparu purisinsti, qhitittï ñankha ajayunacajj mistcän uca jakeruw Jesusan cayuparu kont'atäsquiri, isthapita uqhamarac amuyuniraqui jicjjatapjje, ucatsti jupanacajj ajjsarapjjänwa.

Qullan Arunaka DC

Jaqinakasti kunatix luraskatayna uk uñjiriw mistunipxäna. Jesusan jak'apar purinisinsti, ñanqha ajayunakax mistkän uka jaqirux Jesusan jak'apar qunt'at jikxatapxäna, isthapita, suma amuyuniraki, uk uñjasasti jupanakax wal axsarapxäna.

Lucas 8:35 Jak'a apnaqawi uñst'ayäwi

Salmos 51:10

Diosay, k'oma chuymay utjayita, machak asqui ajay churaraquita;

Isaías 53:12

Ucatwa Diosajj juparojj jach'a jilïrinac taypir utt'ayani, jach'a jilïri munañaninacampiw atipjäwinjja cusisiraquini, jiwañaru catuyasitap laycu, mä juchan jakëcaspas uqhama, ucampisa walja jakenacan juchanacap jupajj aparaquïna, juchararanacatwa arjjatasiraquïna.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Marcos 5:15

Jesusan ucaru purinisinsti, ñankha ajayunacan mantatäcäns uca jakerojj suma isthapt'ata suma amuyunirac jicjjatapjjäna, uñcatasasti sustjasipjjänwa.

Lucas 10:39

Martasti mä cullacaniraquïnwa, ucasti María satänwa. Jupasti Jesusan cayupawjaruw kont'asi cuntï siscän uc ist'añataqui.

Lucas 15:17

Ucat wal amuyt'asi: ‘¡Awquejjan utapanjja kawkha irnakerinacas wali mank'añanïpjjejja, nayasti acanjja mank'at jiwascta!

Lucas 2:46

Ucatsti quimsür pasatatwa juparojj templon ley yatichirinac taypin kont'atäsquiri jicjjatapjjäna, jupanacaru ist'asquiri uqhamarac jisct'asquiri.

Lucas 8:27

Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna.

Lucas 8:34

Qhuchi awatirinacasti uqham uñjasajja sustjataw jalapjjäna marcanquirinacaru, uqhamaraqui pampanquirinacaru yatiyiri.

Hechos 22:3

“Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.