Lucas 7:37 - Qullan Arunaca

Ucatsti uca pachpa marcana mä jan wali sarnaker warmiw utjäna. Jupasti Jesusan mä fariseon utapar mank'er saratap yatisinwa purini mä jank'o kalat lurat botellar mä suma k'apquir aceite apt'ata.

Aymar Bibliia 1986

Ucatsti uca pachpa marcana mä jan wali sarnaker warmiw utjäna. Jupasti Jesusan mä fariseon utapar mank'er saratap yatisinwa purini mä jank'o kalat lurat botellar mä suma k'apquir aceite apt'ata.

Qullan Arunaka DC

ukatsti uka pachpa markan mä jan wali sarnaqir warmiw utjäna, jupasti fariseo jaqin utapar Jesusan manq'ir saratap yatitayna, ukat jupax mä suma q'apkir qulla apt'ataw purinïna.

Lucas 7:37 Jak'a apnaqawi uñst'ayäwi

Mateo 21:31

Uca paninitjja, ¿cawquïris awquin munañapjja luränjja?, sasa. Jupanacasti —Nayrïrïquis ucawa —sapjjewa. Jesusasti siwa: —Khanacwa sapjjsma, impuesto cobririnacasa, walja chachanacampi sarnaker warminacasa jumanacat sipansa nayrakata mantani Diosan reinoparojja.

Lucas 18:13

Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Lucas 19:7

Uc uñjasinjja takeniw c'umipjjäna: Jesusajj mä jucharar jaken utaparuw kheparir sari, sasa.

Lucas 5:30

Ucampis fariseonacampi, ley yatichirinacampejj jisc'achapjjänwa. Jesusan discipulonacaparojj sapjjaraquïnwa: —¿Cunats jumanacajj impuesto cobririnacampi, juchararanacampejj mank'apjjta, umapjjta? —sasa.

Lucas 5:32

Janiw asqui jakenacar jawsir jutcti, jan ucasti juchararanacar jawsiriw jutta, jupanacajj juchanacapat arrepientisipjjañapataqui —sasa.

Lucas 7:34

Ucjjarusti Jaken Yokapaw jutaraqui, jupasti mank'ewa, umaraquiwa, jumanacasti: ‘Wali mank'eri, umiriraquiwa’ sapjjtawa; juchararanacampin, impuesto cobririnacampin amigopawa sapjjaractawa.

Lucas 7:36

Fariseonacat mayniw Jesusar jupampi mank'añataqui jawsayäna, ucat Jesusajj utapar saräna. Purisinsti mesaruw kont'asïna.

Juan 11:2

Aca Lazaron cullacapawa, María satäqui ucapï suma k'apquir kollampi Tatitun cayuparu warjjatataynajja, ucatsti ñic'utapampiraquiw phisqhuratayna.

Juan 9:24

Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Juan 9:31

Yattanwa Diosajj janiw qhiti jucharararus ist'quiti, jan ucasti qhitinacatejj juparu yupaychapjje, uqhamarac munañap lurapqui ucanacaruquiwa Diosajj ist'i.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.

1 Timoteo 1:9

Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui,

1 Pedro 4:18

“Asqui jakenacatejj ch'ama tucuñampi khespiyaschi ucajja, ¿cunjämaraquïni jucharar jaketaquisti?”