Lucas 7:33 - Qullan Arunaca

Bautisir Juanaw juti, ucasti janiraquiw t'ant'a mank'cänti, vins umcaraquïnti; jumanacasti: ‘ñankha ajayuniw’ sapjjaractawa.

Aymar Bibliia 1986

Bautisir Juanaw juti, ucasti janiraquiw t'ant'a mank'cänti, vins umcaraquïnti; jumanacasti: “ñankha ajayuniw” sapjjaractawa.

Qullan Arunaka DC

Bautisir Juanaw juti, jupasti janiw t'ant'a manq'känti, janirakiw vino umkänti; jumanakasti: ‘Ñanqha ajayuniw’ sapxaraktawa.

Lucas 7:33 Jak'a apnaqawi uñst'ayäwi

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 3:1

Uca urunacansti, Bautisiri Juanajj Judea wasararuw jutäna Diosan arunacap parlasa.

Mateo 3:4

Uca Juanan isipasti camello t'awrat luratänwa, cinturonapasti mä lip'ichit lurataraquïnwa, t'ijut'ijunacwa mank'erïna, uqhamarac montenquir misq'inacampi.

Marcos 1:6

Juanan isipajj camello t'awrat luratänwa; cinturonapasti lip'ichit lurataraquïnwa; mank'apasti langostanacampi wasaran utjquis uca misq'inacampiraquïnwa.

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Lucas 7:32

May wawanacajj plazan kont'asisin anatapjje ucatsti masinacapar arnakasipqui ucaru uñtatawa: ‘Pinquillo phust'arapipjjsma ucampis jumanacajj janiw thokopctati; llaquiscañ k'ochunac k'ochurapipjjsma ucatsti janiraquiw jachapctasa.’

Lucas 7:34

Ucjjarusti Jaken Yokapaw jutaraqui, jupasti mank'ewa, umaraquiwa, jumanacasti: ‘Wali mank'eri, umiriraquiwa’ sapjjtawa; juchararanacampin, impuesto cobririnacampin amigopawa sapjjaractawa.

Juan 10:20

Waljaniw jupanacat sapjjäna: —¿Cunatsa juparojj yäkapjje? Acajj ñankha ajayuniwa, lokheraquiwa —sasa.

Juan 8:48

Judionacajj ucjjarojj saraquïnwa: —Chekacwa sasipcsma, jumajj samaritanötawa uqhamarac ñankha ajayuniraquïtawa —sasa.

Juan 8:52

Judionacasti ucjjarojj sapjjaraquïnwa: —Jichhaw yatjjapjjtjja ñankha ajayunïtama. Abrahamasa, uqhamarac take profetanacasa jiwapjjewa, jumasti arstawa: ‘Qhititejj nayan arsutajjarjama cuns luranejja, janiw cunapachas jiwcaniti’ sasa.

Hechos 2:13

Mayninacasti larusipjjaraquïnwa: —Machatäpjjewa —sasa.