Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.
Lucas 6:28 - Qullan Arunaca bendicipjjam maldicirinacamarojja, jumanacar jan wali parlirinacataquis orapjjaraquim. Aymar Bibliia 1986 bendicipjjam maldicirinacamarojja, jumanacar jan wali parlirinacataquis orapjjaraquim. Qullan Arunaka DC ñanqhachirinakamarux suma arumpi kutt'ayapxam, p'inqachjirinakamatakix Diosat mayipxam. |
Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.
“Naya Tatituw sista: filisteo jakenacajj phoksusipjjewa, chuymanacapansti jisc'achañampiraquiw phoksusipjje; Israelana wiñaya uñisiripätap laycusti, t'unjañaruw catuyasipjje.
Aqham siw Tatitojja: Arunacajjajj colerasiñampi aktayatawa uca marcanacataquejja, ucat juc'ampisa Edom marcataqui jupanacajj wali cusisiñampi nayan orakenacajj catuntasipjje uqhamaraqui wali jisc'achjañampiw orakenacajjsa lunthatjapjje’ sasa.
Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.
Ch'accatasipcän ucqhajj [Jesusajj sänwa: —Awquejja, perdonam, jupanacajj janiw cuna luratanacaps yatipquiti —sasa.] Soldadonacasti suerte jaktapjjäna Jesusan isip jupanaccam jaljasiñataqui.
“Ucampis qhitinacatejj ist'apquista ucanacarojj sapjjsmawa: Uñisirinacamarojj munapjjam, uñisipctam ucanacarojj asc lurapjjam,
Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.
Ucatsti judionacampi jan judiöpquis ucanacampejj uqhamarac autoridadanacampisa, arust'apjjänwa apostolonacar tokjjañataqui, uqhamarac kalamp c'upjañataqui.
Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.
Bendecipjjaraquim qhitinacatejj jumanacarojj t'akhesiyapctam ucanacarojja. Jupanacataquisti bendicionanaca mayipjjam, jan maldecipjjamti.
Irnakcäwinsa karitäjjapjjaractwa. Jakenacasti jan wali arunacampiraquiw tokjjapjjetu, nanacasti suma arumpiquiraquiw ucanacarus parljjayapjjtjja. Uñisiñampiw arcnakapjjaraquitu, take ucanacsti amuquiw t'akhesipjjtjja.
Pachpa lacatwa mistu Diosar yupaychañasa, jaker ñankhachañasa. Jilatanaca, janiw uqhamäñapajj waquisquiti.
Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.