Lucas 3:16 - Qullan Arunaca

Juanasti takeruw saraqui: —Nayajj chekpachan umampiw bautisapjjsma, ucampis mayni jutqui ucajja Kollan Ajayumpi, ninampiraquiw bautisapjjätam. Jupajj nayat sipans juc'amp ch'amaniwa, nayasti janiraquiw asquïcti wisqhu t'isnup jararañataquisa.

Aymar Bibliia 1986

Juanasti takeruw saraqui: —Nayajj chekpachan umampiw bautisapjjsma, ucampis mayni jutqui ucajja Kollan Ajayumpi, ninampiraquiw bautisapjjätam. Jupajj nayat sipans juc'amp ch'amaniwa, nayasti janiraquiw asquïcti wisqhu t'isnup jararañataquisa.

Qullan Arunaka DC

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Lucas 3:16 Jak'a apnaqawi uñst'ayäwi

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Isaías 32:15

Ucampisa Tatitun ch'amapajj wasitatwa ch'amapampi jiwasjjaru jutani, wasarasti suma yapuchasiñ orakeruw tucjjani, yapuchasiñ orakesti juc'ampi suma achuri yapuraquiw tucjjani.

Isaías 4:4

Cunapachatejj Tatitojj taripäwi arunacap arsuni, ucarjama phokhañataqui. Jerusalenan jiwayasin wila wartatanacapsti, k'omacharaquiniwa. Uqhamaraquiw Sión marcan utjasirinacarus k'omacharaquini.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Mateo 3:12

Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Juan 1:26

Juanasti saraquïnwa: —Nayajj umampiw bautista, ucampis jumanac taypinjja mayniw utji, ucarusti janiw uñt'apctati.

Juan 1:27

Jupajj nayat nayräcchi ucasa, nayan khepajjwa juti. Nayajj janiw asquïcti ni wisqhu t'isnup jararañataquisa —sasa.

Juan 1:33

Nayajj janïraw yatcäyätti qhitïtapsa; ucampis qhititejj umampi Bautisiri qhitanquitojja, ucajj aqhamwa situ: ‘Cunapachatejj Kollan Ajayuru mä chachjjaru sarakanquiri uñjätajja, uca chachapï Kollan Ajayumpi bautisirejja’ sasa.

Juan 7:38

Cunjämtejj Kellkatanjj sisqui, qhititejj nayar iyawsquitu, ucan chuymapatjja jacañ umaw jawirar uñtat jalsuni —sasa.

Hechos 1:5

Chekpachansa Juanajj umampiw bautisänjja, ucatsipana jumanacajj mä kawkha urutjja Kollan Ajayumpiw bautisatäpjjäta —sasa.

Hechos 10:44

Pedrojj uqham parlquïpanwa, jupan arunacap isch'uquirinacarojj Kollan Ajayojj jutäna.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.